Video
Read full review
2017-09-20
214 views
難得同幾個好耐無見嘅朋友食飯，梗係要食豪少少啦！有位牛精朋友仲介紹我地嚟呢度食，話坐得舒服，又可以舒服傾偈，仲有嘆到唔同部位嘅和牛燒肉，一於去試！先叫咗啲小食一口芝士同味醂魚乾。芝士即叫即炸，上碟時仲好熱，外面好脆，裡面嘅芝士更加係無得頂，好滑好濃郁嘅芝士味，可以食完一粒接一粒！ 至於味醂魚乾，微溫下有少少軟同有咬口，唔會硬而咬唔開，仲有啲咸香，唔使點沙律醬都已經係唔錯嘅前菜選擇。接著叫咗一大盤特上創作壽司拼盤 ，一共有12件魚生壽司，包括深海池魚、金目鯛、拖羅蓉、海膽、活赤貝、油甘魚等由平時食開到矜貴少少嘅都可以一次過食勻，同朋友喺咁爭食，又一齊分甘同味。終於嚟到主菜嘅和牛，我地叫咗「極上和牛盛宴」 ，食牛嘅9個位置，由淡味食到濃味，包括牛舌、尾龍扒、牛柳、牛肩、牛外胸腹、牛小排等等。特別喜歡牛小排同牛肩，油香夠，肉質又唔會靭，讚！食得太多肉梗係要食返啲菜平衡吓，估唔到個日式炒野菜炒得幾有鑊氣，最重要係夠黑椒味，有多一份辣感！
先叫咗啲小食一口芝士同味醂魚乾。芝士即叫即炸，上碟時仲好熱，外面好脆，裡面嘅芝士更加係無得頂，好滑好濃郁嘅芝士味，可以食完一粒接一粒！
至於味醂魚乾，微溫下有少少軟同有咬口，唔會硬而咬唔開，仲有啲咸香，唔使點沙律醬都已經係唔錯嘅前菜選擇。
接著叫咗一大盤特上創作壽司拼盤 ，一共有12件魚生壽司，包括深海池魚、金目鯛、拖羅蓉、海膽、活赤貝、油甘魚等由平時食開到矜貴少少嘅都可以一次過食勻，同朋友喺咁爭食，又一齊分甘同味。
終於嚟到主菜嘅和牛，我地叫咗「極上和牛盛宴」 ，食牛嘅9個位置，由淡味食到濃味，包括牛舌、尾龍扒、牛柳、牛肩、牛外胸腹、牛小排等等。特別喜歡牛小排同牛肩，油香夠，肉質又唔會靭，讚！
食得太多肉梗係要食返啲菜平衡吓，估唔到個日式炒野菜炒得幾有鑊氣，最重要係夠黑椒味，有多一份辣感！
Post
