京都一の傳

天氣漸涼，涮涮鍋最佳選擇。海洋中心呢間日式料理店，裝潢高雅，食物水準也不錯。出汁蛋卷蛋卷好滑溜啊！真係爆汁喎！蒲燒鰻魚非常肥美，入口即化，惹味醬汁恰到好處。鹽燒牛舌火喉控制得宜，牛舌軟腍，有嚼口。涮涮鍋底選擇了京都風黃金出汁。濃郁鮮味嘅湯底，帶有薑嘅辛辣香味。日本A4和牛赤身雪花紋理，質感軟熟，溶化口感。日本黑毛豚肉薄薄的，帶有少少肥，肉味香濃。特選丸子係雞丸，粒粒軟熟。蔬菜盛合南瓜，大蔥，蘿蔔，紅蘿蔔，菇菌……. 新鮮。