LOF10 Bistro (Closed)

灣仔輕食西餐最近約咗朋友去灣仔處理一啲文件，經過一間餐廳裝修幾有特色，而且有多款午餐選擇定價亦都合理。所以就去咗試吓啦❤️蒜香🧄洋蔥雞扒配薯蓉$88雞扒嘅外皮煎得香脆🐥，雞扒食落有肉汁。不過蒜香味就唔算太重，醬汁亦都比較稀。成個餐唔算太油膩，味道都係輕盈啲。薯蓉🥔冇特別調味，食落質感好滑。黑松露野菌意大利飯$98呢個飯芝士味好濃郁🧀，黑松露味正常。意大利飯質感軟硬適中。成個飯雖然份量比較細，不過由於佢嘅味道比較濃郁，亦多芝士同埋忌廉🥛，所以一個人食都好足夠。每份午餐都會送指定嘅餐湯，今次嘅餐湯係蕃茄湯，正常質素。🍅餐飲方面我哋叫咗特飲，因為午餐嘅特飲可享半價優惠冰瑤蜜桃🍑紅茶（半價後$20 ）🍹呢款有啲似回憶中童年嘅味道，蜜桃味唔太甜🍑，配上紅茶🍹酸酸甜甜，係夏天消暑解渴嘅飲品。棉花糖朱古力🍫（半價後$22 ）棉花糖朱古力賣相好靚，大概7分甜左右，朱古力味正常，奶味較重。呢間餐廳嘅裝修幾有特色😍，而且環境比較幽靜，幾適合附近返工嘅OL，或者想靜靜地坐低傾吓計嘅朋友🤗。價錢方面尚可接受🤑，份量比較細，係輕盈啲嘅餐單。如果經過附近有興趣都可以試吓。