飯堂

Open Now

Now Closed

又係嚟到九龍灣搵食，去到企業廣場，間間鋪頭都人好多，而呢間叫飯堂嘅餐廳，每日午餐時間都一定係人頭湧湧。睇過門口嘅餐牌，都有嘢啱食，等就等一陣囉。每日嘅餐牌都不同，有平有貴，有肉食有素食，有正餐有漢堡包有沙律餐，選擇都算多嘅。每個餐都連飲品，埋單亦都唔使加一。美式BBQ豬仔脾伴龍脷柳意粉（$68）份量是一件豬髀加一件龍脷柳，豬仔脾夠淋夠入味，龍利柳煎香過，肉質唔會太梅，味到嘅靈魂全靠燒汁，加咗少少翡翠苗同埋蔬菜，為呢餐午餐嘅健康度提升意粉唔算係入口煙靭嗰種，似一般茶餐廳烚到淋淋地嘅質感$68呢個價錢，唔會覺得貴，亦唔會覺得抵