Video
Read full review
2024-02-08
632 views
上次喺南山邨食完品香樓，就行咗去食埋呢個南山疏乎厘，但原來唔係喺南山邨，而係喺石硤尾同太子中間，由南山邨散步過差唔多10分鐘～總店開喺個轉角位，旁邊有條後巷仔，如果想現場食嘅話，店員會開啲枱櫈出嚟畀你坐，仲會舖埋張紅白格仔枱布，就算係用即棄餐具，但佢哋都會將食物擺上個木碟或者木盒上，影相效果都幾靚，睇得出佢哋幾有心思～👍🏼•🥢 開心結果 $60最近開心果係大熱，差唔多樣樣甜品都見到佢蹤影，呢度嘅開心果味疏乎厘都有人喺開心果關注組推介過💚 開心果奶蓋打得好輕盈，上面仲落咗唔少開心果碎，食落真係幾濃開心果味，唔會太甜，亦都唔會好膩，大推！至於疏乎厘方面，一份係有兩件，當日店員同我哋講即刻整要等10分鐘左右，所以上枱嘅時候仲熱辣辣，好鬆軟，就算擺咗一陣依然係好有空氣感～味道方面都唔會好甜，但係蛋白味比較濃，蛋黃味比較弱～ 所以都幾靠奶蓋嘅味道去帶起成個甜品😛•📸 雙重滋味 - 海鹽芝士 x 伯爵傾情 $55🥢 海鹽芝士 海鹽芝士味呢個比起開心果味，就稍為遜色一啲，雖然個奶蓋食落鹹鹹甜甜，但係芝士味唔太夠，所以味道略嫌無乜層次～🥢 伯爵傾情佛手柑香係伯爵茶嘅獨特之處，但呢個奶蓋就稍為太重佛手
總店開喺個轉角位，旁邊有條後巷仔，如果想現場食嘅話，店員會開啲枱櫈出嚟畀你坐，仲會舖埋張紅白格仔枱布，就算係用即棄餐具，但佢哋都會將食物擺上個木碟或者木盒上，影相效果都幾靚，睇得出佢哋幾有心思～👍🏼
•
🥢 開心結果 $60
最近開心果係大熱，差唔多樣樣甜品都見到佢蹤影，呢度嘅開心果味疏乎厘都有人喺開心果關注組推介過💚 開心果奶蓋打得好輕盈，上面仲落咗唔少開心果碎，食落真係幾濃開心果味，唔會太甜，亦都唔會好膩，大推！
至於疏乎厘方面，一份係有兩件，當日店員同我哋講即刻整要等10分鐘左右，所以上枱嘅時候仲熱辣辣，好鬆軟，就算擺咗一陣依然係好有空氣感～味道方面都唔會好甜，但係蛋白味比較濃，蛋黃味比較弱～ 所以都幾靠奶蓋嘅味道去帶起成個甜品😛
開心結果
$60
36 views
0 likes
0 comments
開心結果
$60
36 views
0 likes
0 comments
•
📸 雙重滋味 - 海鹽芝士 x 伯爵傾情 $55
🥢 海鹽芝士
海鹽芝士味呢個比起開心果味，就稍為遜色一啲，雖然個奶蓋食落鹹鹹甜甜，但係芝士味唔太夠，所以味道略嫌無乜層次～
🥢 伯爵傾情
佛手柑香係伯爵茶嘅獨特之處，但呢個奶蓋就稍為太重佛手柑味，唔係幾啱我嘅口味🫣
雙重滋味 - 海鹽芝士 x 伯爵傾情
$55
28 views
0 likes
0 comments
雙重滋味 - 海鹽芝士 x 伯爵傾情
$55
24 views
0 likes
0 comments
•
🥢 白雪桃膠 $35(細)
雖然呢度係主打食疏乎厘，但係朋友話見到有桃膠都好想試吓，就叫咗一份share嚟食，點知又幾有驚喜喎🤩 桃膠糖水煮得好腍，唔會太甜，下面嘅白雪原來係牛奶雪冰，加埋一齊都幾夾😋
白雪桃膠
$35
24 views
0 likes
0 comments
白雪桃膠
$35
20 views
0 likes
0 comments
Post
