Video
Read full review
2024-03-23
34 views
平時去嘅Cafe嘢食都比較單一，呢間西式Cafe一次可以滿足多個願望，食到西式料理、日式甜品同精品咖啡，而且出品都有保證！呢間位於土瓜灣嘅人氣西式Cafe，裝修型格有性格，枱面都係藍磚嘅設計，頗有藝術氛圍，仲有室外吧枱位置可以chill！餐廳致力將創新元素注入各式料理，輕食同主食都有，有多款西式料理，好似漢堡、意粉、意大利飯呢啲，同場加映嘅甜品都好吸引，有最鍾意嘅窩夫同疏乎厘班戟，有驚喜！------------------------------🐏◖香草醬烤焗羊膝配法式燉菜乳酪◗ $328烤焗羊膝大大隻，烤焗得夠乾身，羊肉肉質爽嫩有肉汁，唔會好實好柴！羊膝用香料醃製過，更能帶得出羊肉香，但筋膜比較多，要用啲力去切多幾下🤣！配上薄荷青瓜醬同羊燒汁，食落更添風味，推介！🍝◖自家製喇沙汁海鮮扁意粉◗ $138 自家製喇沙汁好香，微辣惹味，配料用上鮮蝦、魷魚同大蜆，唔係冇味嘅急凍貨，夠晒誠意！扁意粉比較硬身，頗有咬口，口感唔錯，夠晒掛汁！🍞◖開心果茉莉花醬窩夫（半）◗ $74窩夫可以揀全份或者半份，半份店員幫我哋切咗四小件。窩夫做得好出色，外層夠薄脆，裏面組織keep到濕潤且有韌勁，蛋
餐廳致力將創新元素注入各式料理，輕食同主食都有，有多款西式料理，好似漢堡、意粉、意大利飯呢啲，同場加映嘅甜品都好吸引，有最鍾意嘅窩夫同疏乎厘班戟，有驚喜！
------------------------------
🐏◖香草醬烤焗羊膝配法式燉菜乳酪◗ $328
烤焗羊膝大大隻，烤焗得夠乾身，羊肉肉質爽嫩有肉汁，唔會好實好柴！羊膝用香料醃製過，更能帶得出羊肉香，但筋膜比較多，要用啲力去切多幾下🤣！配上薄荷青瓜醬同羊燒汁，食落更添風味，推介！
🍝◖自家製喇沙汁海鮮扁意粉◗ $138
自家製喇沙汁好香，微辣惹味，配料用上鮮蝦、魷魚同大蜆，唔係冇味嘅急凍貨，夠晒誠意！扁意粉比較硬身，頗有咬口，口感唔錯，夠晒掛汁！
🍞◖開心果茉莉花醬窩夫（半）◗ $74
窩夫可以揀全份或者半份，半份店員幫我哋切咗四小件。窩夫做得好出色，外層夠薄脆，裏面組織keep到濕潤且有韌勁，蛋味香濃！開心果茉莉花醬甜甜地，仲有粒粒果仁，口感更豐富！
🥯◖馬莎拿茶日式疏乎厘班戟◗ $94
疏乎厘班戟質感夠鬆軟，空氣感十足，好動L！食埋呢個甜品收尾，超滿足！
🌟Encore指數：9.1/10
Post
