Video
Read full review
2023-05-08
1497 views
捌壹壹 811 Sichuan Cuisine 📍旺角奶路臣街33號地下F號舖呢日同好耐無見嘅日文buddy食飯，因為實在太耐無catch up，所以都想約佢去一個可以坐得耐啲、又方便我哋一個新界一個港島人嘅地方，於是就揀咗喺中心點旺角呢度食川菜。呢度有好多款辣料理選擇，buddy算係食得辣，而我呢就係明知自己唔係好食得，但又好想食吓過吓口人，所以呢度就好適合我哋喇，因為佢大部份嘅菜式都可以自選辣度，非常人性化！ 💰$238必食冷鍋酸菜魚 🐟嚟到食川菜嘅專門店當然要叫返個酸菜魚嚟食過下口癮啦，不過因為我唔食得太辣，咁大鍋魚如果辣到我食唔到就要佢一個人食晒，所以都係叫返個走辣嘅穩陣。原來冷鍋即係唔係用電磁爐熱住上檯嘅鍋，個鍋都係熱辣辣嘅，咁樣先唔怕一邊食一邊煮，煮到啲魚肉爛晒。雖然係無辣，但都見到個裏面有青辣椒，食到微微地嘅辣味，係我接受得到嘅程度。湯底酸酸地，非常開胃。魚肉片非常多，每片都好大塊，而且食晒咁多塊都無骨，仲要非常滑溜，一啲魚腥味都無，唔鍾意食魚嘅朋友都可以大膽嘗試一下。我最鍾意嘅就係佢有好多配菜，尤其是裏面粗粗地嘅寬粉，佢比一般嘅紅薯粉口感再煙韌啲，掛埋啲湯一齊食，唔使叫
📍旺角奶路臣街33號地下F號舖
呢日同好耐無見嘅日文buddy食飯，因為實在太耐無catch up，所以都想約佢去一個可以坐得耐啲、又方便我哋一個新界一個港島人嘅地方，於是就揀咗喺中心點旺角呢度食川菜。呢度有好多款辣料理選擇，buddy算係食得辣，而我呢就係明知自己唔係好食得，但又好想食吓過吓口人，所以呢度就好適合我哋喇，因為佢大部份嘅菜式都可以自選辣度，非常人性化！
[價錢 Price]
💰$238
必食冷鍋酸菜魚 🐟
嚟到食川菜嘅專門店當然要叫返個酸菜魚嚟食過下口癮啦，不過因為我唔食得太辣，咁大鍋魚如果辣到我食唔到就要佢一個人食晒，所以都係叫返個走辣嘅穩陣。原來冷鍋即係唔係用電磁爐熱住上檯嘅鍋，個鍋都係熱辣辣嘅，咁樣先唔怕一邊食一邊煮，煮到啲魚肉爛晒。雖然係無辣，但都見到個裏面有青辣椒，食到微微地嘅辣味，係我接受得到嘅程度。湯底酸酸地，非常開胃。魚肉片非常多，每片都好大塊，而且食晒咁多塊都無骨，仲要非常滑溜，一啲魚腥味都無，唔鍾意食魚嘅朋友都可以大膽嘗試一下。
我最鍾意嘅就係佢有好多配菜，尤其是裏面粗粗地嘅寬粉，佢比一般嘅紅薯粉口感再煙韌啲，掛埋啲湯一齊食，唔使叫個主食都可以好飽肚。另外仲有芽菜、金菇、酸菜、鮮花瓣同埋萵筍，真係好抵食！
[價錢 Price]
💰$58
麻辣豬耳 🐖
第二款人氣推介嘅就係呢款麻辣豬耳，辣度揀咗bb辣，食落好重麻香味，唔食得太辣嘅我都接受得到。佢一碟例牌都份量都好多，豬耳軟硬適中，亦唔會切後過厚或過幼，仲有青瓜絲同花生粒添，難怪咁受歡迎！
[價錢 Price]
💰$58
黃金芝士豆腐 🧀
呢款黃金芝士豆腐其實同打邊爐食嗰種魚豆腐好似，食過咁多次都無諗過可以拎去炸，而且佢裏面有好多芝士餡，雖然同預期嘅炸豆腐有出入，但都幾啱我哋口味。
[價錢 Price]
💰$16
烏龍茶 ☕️
食辣嘢凍冰冰嘅嘢飲就最解渴解辣，我同朋友都揀咗烏龍茶，清清哋又解膩。
Post
