Video
Read full review
2022-09-29
298 views
🍽好呷台灣火鍋 (旺角)📍旺角亞皆老街8號朗豪坊7樓17-20號舖今日黎到旺角，梗係試下食近排最多人討論既人氣台式放題火鍋店啦🫶🏻 好呷台灣火鍋！佢係牛角旗下既火鍋店，難怪咁多選擇啦，真係會令人花多眼亂呀！今次唔使飛去台灣，都食到台灣嘅味道✈️今次我哋點左「厝內人.吃台北」都只係$368/人，120分鐘，食完好飽都仲想再食啊！🤰🏻湯底🥘(鴛鴦鍋+50/人） 佢哋有九個選擇俾我哋揀，今次我哋試咗佢地既藥膳養生雞鍋同埋好呷麻辣鴨血藥膳鍋。藥膳養生雞鍋嘅味道好出雞湯味，有淡淡的藥膳味道，幾特別。麻辣鴨血藥膳鍋，辣辣地，好開胃。牛肉🐂我哋呢個餐最特別嘅係食到M5澳洲和牛肩胛肉，食落去真係軟腍。我鍾意食牛味重啲嘅我會推薦手切牛.外裙肉，真係好出色。鍋物🍢佢地既鍋物唔使講就真係花多眼亂，而且勁有台灣特色。有台式墨魚花枝丸，牛肉貢丸，鴨肉丸等等。其中，百頁豆腐用黎吸鴨血湯底係最惹味嘅。鍋物你哋都可以去到自助區自已拎，其他都可以用QR code點菜。小食🍿佢哋嘅小食都係花多眼亂，最為極具特色嘅當然係台灣香腸同埋有我的最愛炸魚皮！ 但最為估唔到既，佢地居然有爆谷，有甘梅口味同麻香辣味，實在食到停唔到口。飲
🍽好呷台灣火鍋 (旺角)
📍旺角亞皆老街8號朗豪坊7樓17-20號舖
今日黎到旺角，梗係試下食近排最多人討論既人氣台式放題火鍋店啦🫶🏻 好呷台灣火鍋！佢係牛角旗下既火鍋店，難怪咁多選擇啦，真係會令人花多眼亂呀！今次唔使飛去台灣，都食到台灣嘅味道✈️
今次我哋點左「厝內人.吃台北」都只係$368/人，120分鐘，食完好飽都仲想再食啊！🤰🏻
湯底🥘(鴛鴦鍋+50/人）
佢哋有九個選擇俾我哋揀，今次我哋試咗佢地既藥膳養生雞鍋同埋好呷麻辣鴨血藥膳鍋。藥膳養生雞鍋嘅味道好出雞湯味，有淡淡的藥膳味道，幾特別。麻辣鴨血藥膳鍋，辣辣地，好開胃。
牛肉🐂
我哋呢個餐最特別嘅係食到M5澳洲和牛肩胛肉，食落去真係軟腍。我鍾意食牛味重啲嘅我會推薦手切牛.外裙肉，真係好出色。
鍋物🍢
佢地既鍋物唔使講就真係花多眼亂，而且勁有台灣特色。有台式墨魚花枝丸，牛肉貢丸，鴨肉丸等等。其中，百頁豆腐用黎吸鴨血湯底係最惹味嘅。鍋物你哋都可以去到自助區自已拎，其他都可以用QR code點菜。
小食🍿
佢哋嘅小食都係花多眼亂，最為極具特色嘅當然係台灣香腸同埋有我的最愛炸魚皮！ 但最為估唔到既，佢地居然有爆谷，有甘梅口味同麻香辣味，實在食到停唔到口。
飲品🥤
佢哋嘅飲品都值得一提，唔單止有罐裝飲品，而且又台灣嘅紙包飲品。但一定要試吓佢哋嘅自製飲品！ 冬瓜茶同台式珍珠奶茶，真係好似返咗台灣咁。唔鍾意飲甜嘅嘢，可以選擇佢哋嘅自製桂花烏龍同白桃烏龍。
佢哋有四個唔同套餐🌙：
1.探部落.吃台東 （晚市小童：208 成人：268）
2.輕旅行.吃台中（晚市小童：188成人：238）
3.麻吉遊.吃台南（晚市小童：228 成人：298）
4.厝內人·吃台北（晚市小童：278 成人：368）
星期五六日晚市都係加$10咋，真係物超所值，值得一試👍🏻
(1674.2/4=💰418.55）
Post
