盛八日式火鍋放題店 (Closed)

朋友約去打邊爐，而為去邊度食咁神秘，原來黎盛八食和牛，正呀，和牛火鍋放題，今晚要豪食啦。上到黎，環境乾淨濶落，抽風做得唔錯，無乜味，唔怕搞到一身係。落完order即刻出去睇下有咩攞先，有火鍋料，甜品櫃，咖喱飯同刺身！！好多野食呀！醬油同酸汁，隔離仲有各種調味料。汽水機，果汁機，飲品櫃，可以自己搞fruit punch哈哈。擺得好靚各種蔬菜，丸類，麵食，仲有最愛嘅年糕，年糕打邊爐真係好正架！冷麵corner，自己揀配料，好味。其待嘅和牛黎啦，一種係澳洲和牛，一種係日本飛蟬和牛，脂肪分布平衡，一睇就知正野。叫左蕃茄湯底，甜甜酸酸嘅湯底同和牛勁夾，入口即滆，齒甲留香。食完牛，用充滿牛油嘅湯底黎淥菜同烏冬，真係又滑又嫩，好味好味。食完咸又係甜品時間，有朱古力噴泉，桂花糕，啫喱糖，雪糕等，食完放鍋要食雪糕是常識吧，哈哈！