米珈琲

Open Now

Now Closed

我最唔鍾意壞人飯碗，但係呢間真係唔爆料唔得，千祈❌千祈❌千祈❌唔好去西貢嘅「米咖啡」咖啡$100幾$200一杯，咖啡店內一個人都冇，都唔俾我坐咖啡枱前張吧枱，佢話因為我無一星期前book。我問係咪有客嚟緊，佢話唔係，不過就係要book。成個Menu寫到懶深奧，什麼青豆乜豆物豆，乜炒物炒，完全唔明。你問佢，佢一副專家口吻，講完一大堆嘢嘅意思係「講你都唔明啦，stupid orange 😒」比着平時嘅我，已經即刻起身出門口，但係嗰日唔知做咩，覺得真係未見過咁差嘅例老闆，真係想試吓佢可以去得幾盡。結果係! 我當然做咗silly seven, 全程虐待我，唔準用手機，算！當你想顧客認真享受，但係你又唔同人交流，唔夠人飲。佢手沖咖啡時,我企起身遠距離望下，佢叫我坐翻低，佢話你見唔見到我喺吧枱前邊啲「棟」咗啲版，就係唔俾你哋睇。我話我對咖啡有興趣，只係想了解吓點沖，佢話你只係入嚟消費冇權睇我點整，消費者唔係大晒！「X$y@z;!7…..」 我心裏真是爆了很多粗，開間懶專業嘅嘢，如果真心對咖啡有Passion，應該好開心遇到有興趣嘅顧客。佢竟然全程以虐待顧客為傲😡可能自己物業，完全唔明點解