Chullschick

Open Now

Now Closed

第一次同朋友食，地點都幾偏僻喺中環要一直搭電梯上去，味道非常之特別，有少少似中東口味，叫嘅幾碟菜式都係炸嘢為主，炸得香又特別，我覺得特別之處係菜式配醬味道真係平時未食過，酸酸地好開胃，整體都非常好食。老闆都好熱情，唯一美中不足嘅係老闆推薦嘅果汁飲品好伏，飲完成杯都唔太清楚係用乜嘢蔬果造成，酸酸甜甜，味道一般般、水汪汪，其他嘢食都好好食，特別係烤雞，外脆內軟，份量都好足夠，可以選擇配烤番薯🍠香甜軟糯，配埋嘅蜜糖感覺好香，同烤雞好夾！海鮮餡餅就普普通通，同平時喺出邊食嘅上海餡餅差唔多，太厚皮，值得一試我覺得算係烤雞同小食！聽講仲有另外一間秘魯菜價錢就比呢一間貴一半，我覺得如果想試吓秘魯菜，呢間都可以係性價比之選！