Video
Read full review
2021-09-12
762 views
是咁的，事緣係約想朋友出去食個飯啦，咁大家都唔知食乜好，放題咁都算係個好選擇嚟嘅，見到呢間嘢好似不錯，又有幾位youtuber都拍過呢間嘢嘅片啦，心諗應該差極有限，然後就中晒伏。果日星期二晚去，人幾多下，就我所見嘅係全部都full，重點嚟喇，我同朋友一共三人，基本上order嘅嘢食係由頭漏到落尾，舉個例，小弟落咗三次刺身單，得一次係上咗嘅，仲要係唔齊。我2位朋友好好多啦，佢哋叫嘅嘢大約八成都有到，但係張單啲嘢永遠係差咁幾樣冇到。一坐低之後我哋都叫咗啲刺身，食物來到之後，不得了。睇一眼就知極極極伏，總括嚟講就係，魚生一係細件一係薄切，舊飯又大大件喎，我人生都未試過細過手指尾咁嘅甜蝦，同大約得爭x一半厚度嘅三文魚，真係大開眼界。火鍋湯底還好，一開始正正常常，叫咗個花膠雞，唔算難飲，但係配料都神級，肥牛係好L核突嘅合成肉，見到佢火都嚟，一位二百幾十蚊嘅我唔期待有咩靚肉食，但係可唔可以俾返正常少少嘅肉？就算係大家x 之類嘅快餐店邊爐一樣都有用合成肉，但係都唔L會俾最cheap果種合成肉個客食。其他牛肉粒、豬肉片咁又係差唔多質素，啲火鍋丸仲差過街市啲，係啲咩餃子呀算好啲啲，不過一樣係渣嘢嚟，同刺
果日星期二晚去，人幾多下，就我所見嘅係全部都full，重點嚟喇，我同朋友一共三人，基本上order嘅嘢食係由頭漏到落尾，舉個例，小弟落咗三次刺身單，得一次係上咗嘅，仲要係唔齊。我2位朋友好好多啦，佢哋叫嘅嘢大約八成都有到，但係張單啲嘢永遠係差咁幾樣冇到。
一坐低之後我哋都叫咗啲刺身，食物來到之後，不得了。睇一眼就知極極極伏，總括嚟講就係，魚生一係細件一係薄切，舊飯又大大件喎，我人生都未試過細過手指尾咁嘅甜蝦，同大約得爭x一半厚度嘅三文魚，真係大開眼界。火鍋湯底還好，一開始正正常常，叫咗個花膠雞，唔算難飲，但係配料都神級，肥牛係好L核突嘅合成肉，見到佢火都嚟，一位二百幾十蚊嘅我唔期待有咩靚肉食，但係可唔可以俾返正常少少嘅肉？就算係大家x 之類嘅快餐店邊爐一樣都有用合成肉，但係都唔L會俾最cheap果種合成肉個客食。其他牛肉粒、豬肉片咁又係差唔多質素，啲火鍋丸仲差過街市啲，係啲咩餃子呀算好啲啲，不過一樣係渣嘢嚟，同刺身果啲都係一直又慢又漏單另外，韓燒我哋就冇食到，因為我同朋友都麻麻哋呢樣嘢，可能亦避免咗受氣。至於自助區，有汽水有烏龍茶，醬料區嘅嘢都唔算少，熟食就得咩魚蛋、雞腳同公仔麵，我哋都冇試。雪糕就得一隻牌子，又係好差，雀巢都好食過佢。呢間嘢俾我嘅感覺就係咩都慳，又孤寒又難食。
講返少少服務同衛生，前者就無㗎喇，兼且做得差，係收嘢速度都快，但你嘢食唔上又有咩用，衞生方面，同一般放題店差唔多，中間見有位員工當住客面前洗鍋同其他嘢，似乎唔太合適，期間仲要丟啲垃圾入個煲，咁你又做咩喺客人面前洗呢。
簡單總結下，物非所值，去過第間仲好，千祈唔好嚟中伏！
Post