華記潮州滷水車仔麵 (民興大廈)

Open Now

Now Closed

呢間人龍車仔面真係名不虛傳呀都未開門就已經有一堆人排隊喇好彩我地都早到咗所以唔係排好耐隊就到我地喇去到人龍店我地當然要試下必食推介的豬雜麵同埋D小食啦豬雜麵裡面有齊豬頭肉、豬脷、豬橫脷、生腸、豬粉腸、大腸、豬膶、豬心等，出面的車仔面好少有架，配埋個重口味湯底 (即係乜都有) 真係十分夾呀，另外我地仲叫左碗三餸麵，配咗魚肉春卷、片頭、紅腸、重口味湯，仲筆多2匙辣椒油，喂呀正到爆呀另外佢2款小食都唔錯，現場有好多人叫，我地分別叫咗太陽蝦餅同埋新鮮魷魚鬚，蝦餅有驚喜蝦肉唔梅非常彈牙，相信廚房都下過下苦功先整到咁彈牙的蝦滑，而新鮮魷魚鬚大大碟食到我地捧腹走人，配上香脆花生同埋少少辣椒油，十分惹味，唔怪得咁多人排隊啦