Video
Read full review
2020-05-19
4673 views
因為近期疫情稍緩，限聚令都放寛咗少少，所以，約咗夏總呢個死佬聚一聚，老實講，自一月尾至今，都無乜點約過啲朋友。就算今次，都只喺得兩個死佬嘅飯局，始終疫情一日未完全消失，都仍需要小心啲，尤其保持個人衛生。「喜膳燒」兩年幾前嚟過，印象甚佳，所以，有信心帶夏總嚟試，佢為人食嘢都有少少咀刁架。「喜膳燒」喺家主打串燒嘅小店，亦喺間酒吧，所以，由門面到裡面，都見到有唔少跟酒相關嘅擺設或物品。雖然，整體地方就唔喺好大，但坐滿人就甚具氣氛。其實，如果細心留意，有啲地方都花過心思裝修，好似天花嘅燈盆同雀籠。睇到有咁多客人支持，除咗店家嘅串燒有質素之外，夜啲嚟仲有85折優惠，唔怪之得越夜越多人。此外，晌門口，已見到有個螢光燈牌，有多款串燒推介，我哋亦睇啱幾款添。而餐牌，亦即喺點菜紙，打開一睇，比上次嚟多咗好多選擇，類別五花八門，一時間真喺花多眼亂，我哋都諗咗好耐先揀啱食乜。另外一張紅色長形嘅喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、参蜜、汽水……等等。剩番一大張白色嘅餐牌，喺各種日本清酒，如果好清酒之人，應該都不愁無選擇。枱上除備有七味粉、自家製泰式酸辣醬之外，仲有支搓手
「喜膳燒」喺家主打串燒嘅小店，亦喺間酒吧，所以，由門面到裡面，都見到有唔少跟酒相關嘅擺設或物品。雖然，整體地方就唔喺好大，但坐滿人就甚具氣氛。其實，如果細心留意，有啲地方都花過心思裝修，好似天花嘅燈盆同雀籠。
睇到有咁多客人支持，除咗店家嘅串燒有質素之外，夜啲嚟仲有85折優惠，唔怪之得越夜越多人。此外，晌門口，已見到有個螢光燈牌，有多款串燒推介，我哋亦睇啱幾款添。
而餐牌，亦即喺點菜紙，打開一睇，比上次嚟多咗好多選擇，類別五花八門，一時間真喺花多眼亂，我哋都諗咗好耐先揀啱食乜。
另外一張紅色長形嘅喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、参蜜、汽水……等等。
剩番一大張白色嘅餐牌，喺各種日本清酒，如果好清酒之人，應該都不愁無選擇。
枱上除備有七味粉、自家製泰式酸辣醬之外，仲有支搓手液，等大家有得消毒吓雙手之外，仲可以提醒各位記得注重個人衛生。
巨蜂提子梳打、青檸梳打 @$38打鞭爐同食串燒一樣，點都要搵啲冰凍嘅飲品嚟先夠搭配。小弟就揀咗巨蜂提子梳打，入口冰涼清爽，夾熱辣辣串燒，感覺寧舍爽！提子果香（明知只喺糖漿效果）好清甜，最好喺又夠大杯，夠頂晒成晚食串燒時段。
燒馬來西亞大蜆 $88從點餐紙所見，喺店家嘅特色海鮮推介之一，估計應該會幾有睇頭。叫得大蜆，真喺無欺場，隻隻都有番兩、三隻手指大細，啲蜆肉亦睇得見夠厚身。入口，蜆肉軟腍，無話藏有沙粒，帶淡淡嘅海水鹹鮮味，真喺簡單齋燒，已好食得出食材本身嘅鮮甜原味。
燒馬來西亞大蜆
$88
49 views
0 likes
0 comments
紐西蘭羊架2件 $78跟住再嚟喺老友嘅心水：羊架及牛舌，前者更喺我哋認為全晚性價比最高嘅串燒嚟，超推薦俾食得羊嘅客人。紐西蘭嘅羊架一向都具質素，而每支羊架絕對唔細支，燒得外層帶焦香，所以，咬落有陣陣焦脆感，而羊架肉口感柔嫩且富肉汁，微微羊羶香，叫人再三回味。
紐西蘭羊架2件
$78
22 views
0 likes
0 comments
海鹽燒皇牌牛舌 $49另一道皇牌牛舌，切得厚薄適中，入口軟腍，卻又有份煙韌感，加上牛舌獨特嘅羶香味，喜歡牛舌嘅朋友真喺唔好錯過。順帶一提，第一輪串燒會跟塊熱石板上枱，塊石板堅熱，好辣手吓，足夠成晚將啲串燒保持一定溫度，唔會咁快攤涼晒，可以慢慢嘆。
燒汁洋蔥 $16食咗幾款肉，點咗兩款燒蔬菜作間場，亦算喺平衡吓啲肉類。洋蔥燒過之後，自然無咗啲辛辣味，但仍保持爽口感。
照燒汁燒京蔥 $16而京蔥搽咗薄薄一層照燒汁，固然惹味啲，香啲。兩款燒蔬菜食得到師傅嘅手勢真幾好，燒得熱辣辣卻唔會燒到「乾爭爭」。
明太子釀雞翼2隻 $48除咗羊架，釀雞翼又喺是晚嘅心水推介，兩隻雞翼塞釀入明太子，塞到漲卜卜，而且，燒到外皮金黃，唔喺得個樣，入口層皮脆到不得了。最正喺去咗骨，大啖咬落去明太子加埋雞肉連皮，口感、味道真喺一流，再飲啖梳打，真梳乎。
明太子釀雞翼2隻
$48
29 views
0 likes
0 comments
鹽燒西班牙黑毛豬五花肉 $38最後衝刺就嗌咗3款串燒，五花肉喺小弟比較想試嘅一款，睇樣就好似平平無奇咗，不過，入口又有啲「燒肉」咁嘅感覺。由於豬種關係，食落感覺油脂唔過重，無咁膩，但仍保持香口。
燒露筍 $28一支露筍賣到$28，感覺喺貴架，但老友想試，就無所謂啦。露筍已經切成一小件，方便大家分嚟食，簡單灑咗少少鹽嚟燒，而質感清爽，鮮嫩得入口無渣。
燒美國安格斯肉眼串 $54真喺貴在「美國安格斯」個名，相比起紐西蘭羊架及明太子釀雞翼，感覺性價比就無咁高。其實，串肉眼嘅肉質都好軟腍，有肉味，又富肉汁，只喺賣$54串，一串得4嚿仔，咁就顯得無咁抵食而已。
今次再嚟，盡量都跟上次點唔同嘅款式，然而，一樣咁有質素，一樣無令人失望，就連咀刁嘅夏總都認同。整體服務又唔錯，上串燒嘅速度唔會太急，讓客人可以慢慢嘆，邊食邊傾，愉快嘅時光特別快過。常言道，幸福唔喺必然，尤其處身晌依家嘅疫情之中，所以，今宵多珍重。
Post
