Jacomax (Closed)

灣仔搭車時，成日都見佢地幾吸眼球既招牌，採用英式工業風既味道，好有金屬感，今日終於來看個究竟。Menu 係以英文寫，老實講叫之前小弟都查左唔少字典先搞清楚。Crab Pineapple Salad - 依個沙律佢地用左木橄欖油同沙律醋，都比較清新，加上菠蘿既甜味中和下醋既酸味，而蟹肉份量都足夠，攪亂後都可以食到，清新好食。Jacomax - 用得自己做生招牌既菜當然有番咁上下，餅底係採用薄底。其實以小弟所知，厚同薄餅底其實都同一個麵粉份量，相差的只是有無經過時間發酵，經過酵母發酵後就可以增加空氣，好似麵包一樣既厚餅底。所以主張新鮮、即造既薄餅一定係薄餅底，而我就覺得無咩所謂，各有風味，各有特色。而佢地既餅底我就覺得控制得好好，脆之餘重有少少煙韌。而上面既配料旱有的有隻蛋，我諗都算係幾有特色，而料方面都夠多，所以都好好食。