Video
Read full review
2021-04-28
2444 views
又食自助餐喇, 雖然無生蠔任食, 但係有長腳蟹同麵包蟹補返數長腳蟹海水味好夠, 但唔會好似其他個D咁咸, GOOD, 麵包蟹主要係食膏架啫, 所以專夾D少肉既位置, 以免大嘥, 雖然自助餐本身都較浪費食物既, 所以每樣都盡量試少少, 遇到岩食既先再ENCORE, 仲要即場拉既蘭州拉麵, 哩款係新既, 不過味道就似較淡味既肉燥麵不得不提既係佢既三文魚, 本身我係吞拿魚控黎, 不過今次三文魚既味道真係好突出, 好重魚味之餘唔會腥, 軟滑得黎唔會好油.每款芝士都各有所長, 濃淡適中, 有款仲有少少咸魚味咁, 連平時叫開佢做臭芝士既藍之士, 都無左個陣發酵既臭味.泰國食品區比較新穎, 辣味粟米沙律, 又辣又甜幾醒胃, 青蘋果同青芒果沙律, 2款爽脆得黎, 帶點酸辣味, 又係前菜佳品. 巴馬臣芝士沙律菜, 佢係放左係個大型芝士入面比食客夾既, 重點係煙肉碎同芝士粒係可以任落既.天婦羅蝦有醃過, 所以有少少咸味, 但係質感就有少少膠膠地. 聽到有食客大讚大板燒, 仲話食左好幾件, 所以都試下拎一件試下, 不過感覺居然好似蘿蔔糕, 又唔係話好差既, 不過同其他日系食堂相比, 始終係爭D羊扒比較遜色,
長腳蟹海水味好夠, 但唔會好似其他個D咁咸, GOOD, 麵包蟹主要係食膏架啫, 所以專夾D少肉既位置, 以免大嘥, 雖然自助餐本身都較浪費食物既, 所以每樣都盡量試少少, 遇到岩食既先再ENCORE, 仲要即場拉既蘭州拉麵, 哩款係新既, 不過味道就似較淡味既肉燥麵
不得不提既係佢既三文魚, 本身我係吞拿魚控黎, 不過今次三文魚既味道真係好突出, 好重魚味之餘唔會腥, 軟滑得黎唔會好油.
每款芝士都各有所長, 濃淡適中, 有款仲有少少咸魚味咁, 連平時叫開佢做臭芝士既藍之士, 都無左個陣發酵既臭味.
泰國食品區比較新穎, 辣味粟米沙律, 又辣又甜幾醒胃, 青蘋果同青芒果沙律, 2款爽脆得黎, 帶點酸辣味, 又係前菜佳品. 巴馬臣芝士沙律菜, 佢係放左係個大型芝士入面比食客夾既, 重點係煙肉碎同芝士粒係可以任落既.
天婦羅蝦有醃過, 所以有少少咸味, 但係質感就有少少膠膠地. 聽到有食客大讚大板燒, 仲話食左好幾件, 所以都試下拎一件試下, 不過感覺居然好似蘿蔔糕, 又唔係話好差既, 不過同其他日系食堂相比, 始終係爭D
羊扒比較遜色, 完全無羊味, 味道又淡, 豬肉腸同雞肉腸咬口比較散, 仲偏咸, 感覺麻麻
香格里拉既特色, 佢係會不按時出燉湯, 出爐時仲會響鐘, 等食客們知道而去排隊到取, 雖然佢係無限每次拎既數量, 不過幫其他同事拎埋, 極限係4壼啫, 因為都幾重下, 個壼有2款, 外觀都幾得意, 仲寫住佛跳牆3個字, 但當然入面既饀唔係啦, 實在太多人拎既關係, 所以唔記得左係咩湯黎, 淨係見倒淮山2字, 不過都真係幾足料, 飲落就似藥材燉瘦肉湯, 清得黎帶濃濃既肉味.
雪糕佢都係用M仔既, 同尾最得意既係, 生果佢係用一個個玻璃樽裝住, 唔知係因為疫情影響, 定還是係DESIGN黎架呢, 醉翁之意不在酒, 拎黎影相都幾靚, 當然都有食晒啦.
Post
