牛舞日本燒肉‧涮涮鍋放題 (1亞太中心) (Closed)

今日餐廳好推介: 牛舞日本燒肉‧涮涮鍋❤️👍🏻👍🏻日本薩摩和牛拼盤齊哂幾款唔同位置嘅牛，每一款都非常之好食，但講到我最鍾意嘅就一定係佢哋嘅和牛粒，一啖一粒真係好滋味！👍🏻👍🏻牛油清酒煮蜆有陣陣好香嘅牛油味，加上酒味就更加帶出蜆肉嘅鮮味。👍🏻👍🏻秋葵炒牛肉都好好食，未燒好啲肉之前我都會叫嚟食吓，健康嘅秋葵炒完啲牛肉又唔會老幾好食。👍🏻👍🏻羊肉片好大塊，而且仲可以加上自己鍾意嘅醬汁調味。👍🏻👍🏻金菇牛肉卷都係唔錯嘅選擇，牛肉肥瘦比例一半半，油花分佈啱啱好。👍🏻👍🏻天婦羅都有唔同嘅款式，即叫即炸脆卜卜。👍🏻👍🏻燒吞拿魚沙律都整得唔錯，吞拿魚新鮮，再加上酸甜沙律醬同蔬菜，非常之開胃又清新！