Video
Read full review
2021-07-26
394 views
今次係第二次幫襯，叫埋老公一齊去試，點知老公未開餐已經嬲爆爆（25/72021）（6-7pm)今年七月經過呢個商場，發現呢間意大利餅店餐廳，外貌好似好吸引，喺7月19號中午接近2:00 ，我自己一個去食午餐set ！好似話蛋糕係亮點，百年老店⋯⋯但真係冇咩特別！琴晚諗住帶埋老公試吓，俾多次機會佢，點知就出事，原來係店大欺客，老公早15分鐘坐低，侍應劈低個餐牌，就企埋一邊傾偈，當時起碼有四個夥計， 餐廳得四枱客，過咗10分鐘，老公忍唔住，揮手叫個女侍應，問佢哋有收+1服務費，佢話收服務費，老公問點解冇服務，要求佢比兩杯水，原來攞兩杯水要等10分鐘，一定要揮手叫佢俾先有！我到步之後，發現侍應大哥大姐，繼續企喺水吧西餅櫃旁邊傾偈，眼尾都唔會望下啲顧客，突然聽到坐餐廳外圍邊卡位女顧客大叫：「唔該………」（呢間餐廳一眼見晒，其實係好細，得十幾張枱）！老公見到佢揮咗手好多次，冇人理佢，所以佢大叫咗兩三次，請啲侍應大哥大姐，攞牙籤埋單⋯⋯因為睇到呢間餐廳啲食評，不盡不實，蛋糕試咗兩件，真係冇辦法食得晒，係完全唔好食，咖啡一般！米蘭咖啡都飲唔晒😖呢班侍應可以炒咗一半，包括四眼身材高瘦經理，我肯定呢間意
今年七月經過呢個商場，發現呢間意大利餅店餐廳，外貌好似好吸引，喺7月19號中午接近2:00 ，我自己一個去食午餐set ！好似話蛋糕係亮點，百年老店⋯⋯
但真係冇咩特別！
琴晚諗住帶埋老公試吓，俾多次機會佢，點知就出事，原來係店大欺客，老公早15分鐘坐低，侍應劈低個餐牌，就企埋一邊傾偈，當時起碼有四個夥計， 餐廳得四枱客，過咗10分鐘，老公忍唔住，揮手叫個女侍應，問佢哋有收+1服務費，佢話收服務費，老公問點解冇服務，要求佢比兩杯水，原來攞兩杯水要等10分鐘，一定要揮手叫佢俾先有！
我到步之後，發現侍應大哥大姐，繼續企喺水吧西餅櫃旁邊傾偈，眼尾都唔會望下啲顧客，突然聽到坐餐廳外圍邊卡位女顧客大叫：「唔該………」（呢間餐廳一眼見晒，其實係好細，得十幾張枱）！
老公見到佢揮咗手好多次，冇人理佢，所以佢大叫咗兩三次，請啲侍應大哥大姐，攞牙籤埋單⋯⋯
因為睇到呢間餐廳啲食評，不盡不實，蛋糕試咗兩件，真係冇辦法食得晒，係完全唔好食，咖啡一般！米蘭咖啡都飲唔晒😖
呢班侍應可以炒咗一半，包括四眼身材高瘦經理，我肯定呢間意大利餐廳嘅管理層出咗問題，成侍應係到倒米！
海鮮意粉味道係OK，但係意粉少得可憐🥺
老實講，服務侍應態度差，你啲餅幾好食都咪搞，何況啲餅點真係好一般！
迷你餅點，一買要12件$128 ，係咪當人傻嘅，呢啲係乜嘢銷售政策🧐
意大利人做生意係咁樣嘅咩？
我喺米蘭Cova餅店，行入去，隨意買兩件迷你餅點1.5歐羅一件，加杯咖啡，企係到即刻食！不知幾爽⋯⋯
真係祝呢間餅店餐廳好運👍🏻不要再當荃灣街坊顧客喺傻瓜瓜⋯⋯
正因為我喜歡食甜品糕點，所以俾多次機會，呢一間餐廳，點不知更加失望，食到一肚氣，亦都發現食評不盡不實！
第一次嘅蛋糕比第二次嘅蛋糕好食，但亦不能令我回頭，不好意思，我唔認為係百年老店跨啦啦嘅出品，最令人不能回頭嘅，係招呼不周，服務不佳！令人無法享受該餐廳嘅氣氛食物❗️
Post
