意粉 360 (Closed)

Easter紅日最後一日，雖然仔仔重有一個星期假；不過婆婆明天就要返工囉。Easter一開始重諗住上星期會出多D街，依個星期在家溫習；點知上星期反而只係去左2日街姐。今個星期就多Plan好多啦，今日去買飛星期三睇戲，順便食個tea；星期三食tea睇戲，星期四老公放假買野，預期星期六又睇多場戲。今日會食Tea都係因為上星期婆婆都唔得閒，黎緊我地預左會食Tea既日子婆婆都係唔得閒，所以今日本來只係去買戲飛，都約婆婆出黎行下啦。不過講真，話食Tea都唔知食邊間好架，係將軍澳度都行黎行去；最後婆婆見意粉360出左新menu有加39蚊多碟窩夫，好似幾抵咁。咁又入左去食啦。本來，我想食三文治架，點知話今日冇菜返冇三文治喎；真係有冇搞錯丫。最後，我同婆婆叫左個pizza加窩夫，仔仔叫左個意粉。今次又幾好味喎，好食過上次同朋友晚飯好多，又好食過上之同老公中伏Tea勁多。依間野D水準真係成日變既，次次去都唔同。不過今日呢，人都算多架啦，侍應重要全部企埋一邊傾計，要揮好耐手先有人見到囉。餐前沙律，幾好味，因為係用芝麻醬架平時我在家都係用芝麻醬。餐前湯，冇乜特別，普普通通啦，係用咖啡杯裝幾靚囉。菠蘿鮮果茶，