天賜素齋

Open Now

Now Closed

老公生日, 唔想大魚大肉, 走嚟食素, 由於時間尚早, 店內只有1枱客, 入去任坐, 連老細伙計都响度吹水, 今次落單仲係廚房大廚, 因為佢咁啱走咗出嚟吹水, 見我地想落單, 佢就收order後返入去煮~  豉汁陳皮豆腐呢個認真失敗, 雖然見到有豆豉, 但冇豉汁味, 見到有陳皮, 唔係咬到條陳皮, 都唔覺有陳皮味, 而且個芡超芡, 一舊舊粉粒, d芡可以夾得起的~  乾炒牛河牛肉超大塊, 而且都幾像真, 幾有"肉"的質感, 成碟個味, 無論聞或者食, 都以為係茶餐廳果d乾炒牛, 但可惜炒得偏油~  髮菜海味煲今次呢個髮菜海味煲同上次果個海味豆腐煲都係差不多, 除咗豆腐變咗做髮菜之外, 仲多咗d粟米芯, 唔知係咪隨意任佢執? 其餘d"海味"都係果d, 有海參、蝦、鮑魚、冬菇、菜、雪耳等等, 但今次個芡好杰, 又重手咗d~平時叫2個餸1個飯/麵/粥, 係食得哂有餘, 但今次實在太油太杰, 搞到食唔哂, 竟然每碟餸食淨一半, 留起打包第日放湯粉食~