Video
Read full review
2013-09-10
1652 views
如果你係住港島東區，屋台屋依個名字你未必會覺陌生，因為佢係東區兩間分店已經有一段好長既時間，而我亦都有好一段時間經常同屋企人去食！因為佢既品質真係好好，選擇頗多，而且環境較靜，亦有爸爸最捧佢場既炭爐燒魚，可惜，多年光景風光不再，早兩日再番去食，已經今非昔比。今次一行５人去食飯，係夜晚時段大概7點左右到，店內只有我地一枱，往日可以選擇多人套餐既MENU不見，只有大量既１人SET，岩，如果佢做午市生意一定比晚市多，因為附近寫字樓區，但係夜晚你都出1人SET??唔係話= =，BTW我地亦都辛辛苦苦揀左３個１人SET，燒魚同1個陶板燒，而活燒魚更有趣，寫左係塊板上面今日有，但係問兩種都冇(?)，然後有果種就剩係得大條，不過侍應姐姐都有問到我地大條既O唔OK，咁爸爸喜歡就一定要OK，但佢都冇講到價錢(?)，我認為明知係時價你都要講講，同埋俾我地知道SIZE大,姐係幾大?佢既一人餐多數係要小食+拉麵或者飯，所以我地叫既分店有迷你雜錦魚生飯+豬骨湯拉麵，牛肉陶板燒+粟米拉麵，炸蝦卷+冷拉麵，活燒魚(唔記得咩魚~)，初戀雞翼，牛舌陶板燒，牛肉炒飯，3個SET跟3杯飲品，當然係蜜桃茶。先說迷你雜錦魚生
如果你係住港島東區，屋台屋依個名字你未必會覺陌生，因為佢係東區兩間分店已經有一段好長既時間，而我亦都有好一段時間經常同屋企人去食！因為佢既品質真係好好，選擇頗多，而且環境較靜，亦有爸爸最捧佢場既炭爐燒魚，可惜，多年光景風光不再，早兩日再番去食，已經今非昔比。今次一行５人去食飯，係夜晚時段大概7點左右到，店內只有我地一枱，往日可以選擇多人套餐既MENU不見，只有大量既１人SET，岩，如果佢做午市生意一定比晚市多，因為附近寫字樓區，但係夜晚你都出1人SET??唔係話= =，BTW我地亦都辛辛苦苦揀左３個１人SET，燒魚同1個陶板燒，而活燒魚更有趣，寫左係塊板上面今日有，但係問兩種都冇(?)，然後有果種就剩係得大條，不過侍應姐姐都有問到我地大條既O唔OK，咁爸爸喜歡就一定要OK，但佢都冇講到價錢(?)，我認為明知係時價你都要講講，同埋俾我地知道SIZE大,姐係幾大?佢既一人餐多數係要小食+拉麵或者飯，所以我地叫既分店有迷你雜錦魚生飯+豬骨湯拉麵，牛肉陶板燒+粟米拉麵，炸蝦卷+冷拉麵，活燒魚(唔記得咩魚~)，初戀雞翼，牛舌陶板燒，牛肉炒飯，3個SET跟3杯飲品，當然係蜜桃茶。
先說迷你雜錦魚生飯+豬骨湯拉麵，牛肉陶板燒+粟米拉麵，魚生粒好新鮮唔會好梅，亦都唔會話整定雪到冰凍既口感(姐係超市買果種)，但係一個迷你飯有２巨大粒芥末，此舉令人費解w，(冇相)牛肉陶板燒既牛１肉好Juicy，唔會因為係鐵板上令到佢過熟，兩款拉麵都係豬骨湯底，只係粟米拉麵多左粟米小左一塊叉燒，麵質彈牙，湯底亦濃，雖然唔似拉麵店既湯底濃到杰身，成個拉麵質地唔會比起9x蚊一個拉麵差，依個係佢keep到既水準。
炸蝦卷+冷拉麵，炸蝦岩岩炸好就卷落去，極脆，熱，配埋沙津醬，冇得嘆，冷拉麵麵質彈牙而且能夠掛汁，不過略縑佢既蟹柳小，而且蛋絲同青瓜絲都切得唔夠幼，個款睇落真係麻麻地…
活燒魚，初戀雞翼，前者燒魚因為用炭爐（我唔知係咪應該講炭爐，佢有個名不過我又係忘記左）燒，所以一定會等好耐，如果有興趣一定要坐低就即刻落單，燒魚依然好香，連我老公唔食魚都有keep住夾黎食，魚肉好滑而且好厚肉，初戀雞翼，佢係雞全翼全隻塗滿滿蜜糖然後燒既，所以咬落去皮會去甜好脆，雞肉亦都好嫩，每次黎都必食~~
牛舌陶板燒，牛肉炒飯，前者同牛肉一樣做法，不過牛舌極厚，所以咬落去超正超好肉感而且外脆內軟，牛肉炒飯，冇咩特別，不過炒得好香，而且飯係用珍珠米炒，唔淋有咬口，而且全部飯粒都沾滿豉油色！服務黎講，基本上係冇咩服務可言，因為我地入座之後愈黎愈多人，於是除左落菜同收錢果一刻都冇人埋我地張枱，最後大概$11xx左右埋單，但係相比起以前既質素已經冇咁好食…如非冇選擇，亦都未必會再去了！
Post
