Video
Read full review
2018-12-17
95 views
之前都去過銅鑼灣百樂中心食飯，基本上成棟都係餐廳，中菜﹑日本料理﹑火鍋﹑泰國菜都有，都真係幾多選擇，屋企人提議食泰國菜，見呢間新開既泰國餐廳Milu好似有唔少好評，一於同佢地一齊試下，估唔到又好有驚喜！餐廳既裝修都幾精緻，有唔少壁晝，好有泰國既街頭風味，而且每張檯之間都幾闊落，每檯既客人唔會太近，可以好好地傾偈都唔會太嘈。食物都有唔少款式，我地都掙扎左一陣。我地叫左幾杯飲品飲住先，分別有菠蘿梳打﹑百香果梳打﹑荔枝梳打﹑珍多冰。我飲既菠蘿梳打好清新，菠蘿味好出，酸酸甜甜，食辣嘢好啱，而且仲加左乾冰，邊飲邊出煙真係好fancy，可以瘋狂打卡，女仔見到一定心心眼。而荔枝梳打聽阿妹講就好清，好有荔枝味，見佢好快就飲曬，應該唔錯。海鮮咖哩三重奏 呢個咖哩三重奏 好特別，分別有三色既咖哩（即青咖哩﹑紅咖哩﹑黃咖哩），上面有唔少海鮮,例如：炸軟殼蟹﹑魚柳﹑大蝦﹑帶子等等，仲有唔同既蔬菜配合，有我鐘意食既豆角，茄子仔，咖哩入曬味，味道啱啱好。啲炸軟殼蟹同炸魚柳雖然俾汁浸住，我本身以為應該唔脆，估唔到既係，雖然蟹同魚肉都吸咗咖哩汁，但外皮仍然保持香脆！而咖哩汁亦唔會好辣，反而好皇椰香同香料味，味道非常正
餐廳既裝修都幾精緻，有唔少壁晝，好有泰國既街頭風味，而且每張檯之間都幾闊落，每檯既客人唔會太近，可以好好地傾偈都唔會太嘈。
食物都有唔少款式，我地都掙扎左一陣。
我地叫左幾杯飲品飲住先，分別有菠蘿梳打﹑百香果梳打﹑荔枝梳打﹑珍多冰。
我飲既菠蘿梳打好清新，菠蘿味好出，酸酸甜甜，食辣嘢好啱，而且仲加左乾冰，邊飲邊出煙真係好fancy，可以瘋狂打卡，女仔見到一定心心眼。
而荔枝梳打聽阿妹講就好清，好有荔枝味，見佢好快就飲曬，應該唔錯。
分別有菠蘿梳打﹑百香果梳打﹑荔枝梳打
$28
2 views
0 likes
0 comments
海鮮咖哩三重奏
呢個咖哩三重奏 好特別，分別有三色既咖哩（即青咖哩﹑紅咖哩﹑黃咖哩），上面有唔少海鮮,例如：炸軟殼蟹﹑魚柳﹑大蝦﹑帶子等等，仲有唔同既蔬菜配合，有我鐘意食既豆角，茄子仔，咖哩入曬味，味道啱啱好。
海鮮咖哩三重奏
$198
5 views
0 likes
0 comments
啲炸軟殼蟹同炸魚柳雖然俾汁浸住，我本身以為應該唔脆，估唔到既係，雖然蟹同魚肉都吸咗咖哩汁，但外皮仍然保持香脆！而咖哩汁亦唔會好辣，反而好皇椰香同香料味，味道非常正宗。
咖哩用小火鍋爐裝住，可以保持溫度，慢慢食都無問題，非常細心。食既時候可以加埋附上既蒜蓉包粒點埋咖哩食，有少少似食緊芝士火鍋咁，但就唔會太油膩，非常之夾！
海鮮咖哩三重奏
$198
2 views
0 likes
0 comments
乾冰生蝦刺身
見到唔少客人都有叫既生蝦刺身，一上檯就仙氣瀰漫，真係好吸晴好搶眼，生蝦好爽脆，加上台家好貼心地將生蒜同辣椒粉放上蝦肉﹑醬汁另上，可以任君選擇唔同食法，醬汁好香好開胃，唔錯！
乾冰生蝦刺身
$98
10 views
0 likes
0 comments
乾冰生蝦刺身
$98
8 views
0 likes
0 comments
食泰國菜必叫既菜式，食落豬肉好有肉汁，有少少金不換同香葉既味道，加埋生菜食真係好夾，不過呢個係成檯最辣既菜式，所以一次唔可以食太多肉碎，如果生菜份量可以多少少就好了！哈，好想食多2塊生菜。
豬肉碎生菜包
$88
3 views
0 likes
0 comments
呢個沙律既份量都幾大份，有好多既燒豬頸肉，青瓜同生菜有好爽口開胃，醬汁唔會好辣，好有魚露同青檸味，食落酸酸甜甜好refreshing，味道好正宗。
豬頸肉沙律
$88
1 views
0 likes
0 comments
泰式串燒
有豬肉﹑牛肉同雞肉選擇，我地揀左每款各2串，一共有半打，表面燒得好香脆，好有肉汁，加埋沙嗲醬一齊食真係好惹味。
泰式蛋包炒金邊粉
呢個係用蛋網包住金邊粉，賣相非常精緻，真係唔想拆開佢，食落有少少汁，唔會太乾，大蝦既size好大隻，差唔多有手掌咁大，肉質好實好彈牙，加上有蛋同豆腐干都吸收曬啲醬汁，惹味得嚟不過唔係好辣，所以我會撈埋旁邊既辣椒粉，咁樣食就會更加香口惹味。
泰式蛋包炒金邊粉
$108
2 views
0 likes
0 comments
我哋叫咗唔少野食，大約八百幾蚊，估唔到可以用呢個價位係銅鑼灣，食到咁靚又咁Fancy既泰國菜。
Post
