舍利鮨 (Closed)

咁大個女都未試過食廚師發板，今日出咗糧就去咗元朗嘅舍利鮨到食omakase，點知令人一試難忘一食就愛上啦！呢個廚師發板雖然係要成一個人千幾蚊！但係佢有成20幾樣嘢食，有前菜，燒物，刺身，壽司，卷物，湯同埋甜品，其實計返非常之抵！而且當中仲有好特別同埋好矜貴嘅食材！我最鍾意食嘅就係嗰時不知！個名好得意😎原來就係野生三文魚刺身！佢雖然係唔係一般平時食開嘅三文魚，但係佢食落口有淡淡的清香！仲有個赤背刺身！亦都係令我非常之難忘！因為佢非常之肥美！而且好似係啱啱劏完即切即食咁樣，係非常之新鮮甜！而另一個叫做櫻煮八爪魚🐙一樣非常出色，入口非常之彈牙，完全好爽好煙韌！最令人忘不了既係清湯燉鮑魚，完全食得出係師傅嘅誠意之作！鮑魚煮得好冧好入味，薄薄切片點埋一啲秘製嘅醬汁簡直令人食指大動！