Video
Read full review
2015-03-15
2371 views
今日同屋企人慶祝生日, 今次由家姐話事食咩 就帶爸爸媽媽黎試吓呢種韓式燒烤 佢地都覺得好有新鮮感, 馬上揀幾款靚海鮮先(快熟嘛!! 好肚餓哈哈)因為我地都睇開韓劇, 好多時對劇中嘅米酒特別有興趣, cocktails一jug上, 酒精以果汁中和, 飲到停唔到口!Lemon cocktail $118 (3/5)先點一個細嘅試試, 甜甜地易入口, 味道都唔錯! 後尾都點咗個大嘅再飲多次 烤鮑魚$198 (5/5)鮑魚隻隻都好新鮮, 一直見佢郁黎郁去, 店員幫我地烤好之後, 再剪細啲方便進食, 用生菜墊底唔怕海鮮過熟!! 鮑魚好淋好容易咬開, 食到鮮甜味 韓式烤鰻魚$178 (3/5)鰻魚有啲骨要小心食! 肉質彈牙, 卷起上賣相好靚, 鰻魚幾乎有成個爐嘅直徑咁長, 將一面先快煎幾下, 就冇咁容易黐底烤辣豬腸$98 (5/5)不得不食!!! 烤辣豬腸 唔食豬內臟嘅我, 今次聽咗店員推介就試下, 烤到面頭乾身就食得, 有啲似雞皮嘅口感, 比較難咬開, 調味方面都好惹味! 送酒一流唔鐘意辣嘅朋友可以點無經調味嘅豬腸 黑毛五花腩 $148 (5/5)仲可以係邊到搵咁靚嘅五花腩? 數清
因為我地都睇開韓劇, 好多時對劇中嘅米酒特別有興趣, cocktails一jug上, 酒精以果汁中和, 飲到停唔到口!
Lemon cocktail $118 (3/5)先點一個細嘅試試, 甜甜地易入口, 味道都唔錯! 後尾都點咗個大嘅再飲多次
烤鮑魚$198 (5/5)鮑魚隻隻都好新鮮, 一直見佢郁黎郁去, 店員幫我地烤好之後, 再剪細啲方便進食, 用生菜墊底唔怕海鮮過熟!! 鮑魚好淋好容易咬開, 食到鮮甜味
韓式烤鰻魚$178 (3/5)鰻魚有啲骨要小心食! 肉質彈牙, 卷起上賣相好靚, 鰻魚幾乎有成個爐嘅直徑咁長, 將一面先快煎幾下, 就冇咁容易黐底
烤辣豬腸$98 (5/5)不得不食!!! 烤辣豬腸 唔食豬內臟嘅我, 今次聽咗店員推介就試下, 烤到面頭乾身就食得, 有啲似雞皮嘅口感, 比較難咬開, 調味方面都好惹味! 送酒一流
唔鐘意辣嘅朋友可以點無經調味嘅豬腸
黑毛五花腩 $148 (5/5)仲可以係邊到搵咁靚嘅五花腩? 數清楚! 一共有七層!! 煎到一面脆身再反轉, 耐心煎一陣再剪開, 將每邊平均烤熟, 見到油脂氣泡不停係表面躍動, 忍唔住唔包生菜就直接放入口, 羶味好香, 有少少粗海鹽調味就夠
大八爪魚 $38 (2.5/5)跟圖片不相符的八爪魚, 仲以為係原隻上, 有啲可惜, 但肉質厚身ok啦!
烤牛排骨 $198 (5/5)單睇刀工已經無得輸!! 平均切成籬笆紋, 令調味更易滲入肉身, 食落好香又淋, 亦唔似用梳打粉醃過, 所以口感超好, 絕對要食!!
烤牛脷 $108 (2.5/5)砌成花形上碟, 牛脷較薄身, 食落出奇地爽口, 好快就熟! 小心睇火
烤海鰻 $138 (4.5/5)睇飲食節目介紹過即燒海鰻, 係香港從未食過一於點黎試下, 味道應該唔太差, 嘿嘿
一碟有兩條, 平均放係爐邊, 唔會咁搶火, 烤咗一陣店員好快手幫我地剪開海鰻 (當時我覺得有啲似賣緊牛雜, 哈哈), 魚本身嘅味道似魚春腥味, 跟住見到一粒粒嘅嘢, 一開始以為係魚春, 因為未食過所以攞左一粒出黎, 用手指㩒吓佢, 都係整唔爛, 後尾先知係魚脊骨, 哈哈, 有啲軟身啲豬軟骨, 又幾特別!
冷麵 $78 (4.5/5)驚喜之選!! 因為食完咁多熱野, 食返個冷麵真係降晒火
用冰蓋住冷麵配簡單醬油湯底, 有雞蛋青瓜白蘿蔔片相伴, 麵質彈牙, 感覺冰涼舒服, 亦可加芥辣白醋轉一轉味道
推介此餐廳 4.5/5 大部分肉類都好好食, 店員亦不忙幫我地睇火煮兩吓, 令到我更鐘意呢種烤肉店平均消費$406.5, 4位, 8個食品+2 jug 飲品+1個冷麵
大食一家又出動所以食貴咗, 我諗其他食客無我地食咁多應該$200-300
BBQ 7080
星期一至日: 16:00-02:00
旺角西洋菜南街1N至1X號兆萬中心(CTMA)13樓
最好book枱->2612 1682
Post
