Express Bar by Lassana (友邦九龍大廈) (Closed)

同事知我係芝士同榴蓮控，推介我去食呢間舖頭喺公司附近AIA大廈入面嘅榴蓮芝士蛋糕($148)。去到見到個蛋糕賣相好吸引就決定外賣返屋企同老婆分甘同味。一打開包裝嘅圓形軟木盒蓋就即刻聞到好香嘅焦糖味用刀切落去時首先感受到表面嘅焦糖非常薄同脆，跟住會聞到好香嘅榴蓮味，望住表面的焦糖開始慢慢流落蛋糕度就已經好享受。味道方面除左咸咸地嘅芝士味、香甜榴蓮味、焦糖味仲可以食到餅底的餅香；口感焦糖香脆，薄薄一層甜而不膩，蛋糕身好creamy, 餅底鬆化，間中仲會食到有絲絲嘅榴蓮肉。小小一個蛋糕，色、香、味俱全，味道、口感層次豐富，真係食得出做餅師傅的誠意同心機!