滄浪亭

Open Now

Now Closed

呢間位於紅磡嘅小店座位好少，經常爆滿，如果一兩個人去食，就要有心理準備搭枱。不過每次食完佢個嫩雞煨麵，就會覺得即使要排隊或者坐得迫啲，一切都係值得。講返碗雞麵，個雞湯真係靈魂所在，飲落好似creamy嘅忌廉湯，而且飲落仲好似有一陣牛奶味，每次去都會飲晒成碗湯，一滴都唔想浪費。碗麵仲配雞粒同菜粒，睇落都覺得好健康營養豐富，不過今次食啲雞粒好似煮到有啲老，有啲「鞋」，少少失望。另一個好多人點嘅菜式就係糖醋排骨麵，不過個人唔係太鍾意陣酸味，仲覺得個糖醋味有少少影響我品嚐嫩雞煨麵嘅嗅覺同味道。整體而言，呢個價錢配呢個質素，一個字，抵！