Video
Read full review
2010-11-25
13 views
本來想去食樓上2000YEN,但係同大家姐商量後都係發覺打邊邊更好,其實之前睇過雜誌想食呢間野好耐,不過一直都無機會,今次終於可以試到我地中午訂即日位都訂到,夜晚去到無人等位,入面全部檯亦都已經留起身俾BOOK左既人,呢點我覺得好好,因為去過好多地方,你BOOK左唔係留張檯俾你,係你去到之後再等第一個走O個張檯,講真,咁我BOOK黎有咩意思,咪又係要等?湯都有好多選擇,有D秋冬系列+$10, 不過我見普通湯都幾有特式,由於前幾日飲左個好鬼死咸既椰子雞湯,今次決定叫個椰子雞湯試下應該咩味,大家姐就保守D叫左個蕃茄傻仔湯,之後就開始拎野食喇,好多野食揀,雞有4-5款,牛又有滑牛肥牛牛粒牛"展",要一提呢度如果想食麵,佢地係一包包出前一丁,生麵皇,粉絲咁放晒O係度俾你成包拎既,另外仲有海鮮同蔬菜,蔬菜我覺得種類太少,因為我搵唔到我愛既娃娃菜 我同大家姐各自出去拎野食之後,問題出現喇! 我地出面花多眼亂左咁耐,揀左咁耐,竟然個湯仲未到 話晒佢都限時兩粒鐘,等湯等十幾分鐘實在有d講唔過去,唯有催催佢,催左三四次終於有湯到喇 食物新鮮真係好食,兩個湯都好鮮甜,實在太正喇,不過呢度加湯係加同
我地中午訂即日位都訂到,夜晚去到無人等位,入面全部檯亦都已經留起身俾BOOK左既人,呢點我覺得好好,因為去過好多地方,你BOOK左唔係留張檯俾你,係你去到之後再等第一個走O個張檯,講真,咁我BOOK黎有咩意思,咪又係要等?
湯都有好多選擇,有D秋冬系列+$10, 不過我見普通湯都幾有特式,由於前幾日飲左個好鬼死咸既椰子雞湯,今次決定叫個椰子雞湯試下應該咩味,大家姐就保守D叫左個蕃茄傻仔湯,之後就開始拎野食喇,好多野食揀,雞有4-5款,牛又有滑牛肥牛牛粒牛"展",要一提呢度如果想食麵,佢地係一包包出前一丁,生麵皇,粉絲咁放晒O係度俾你成包拎既,另外仲有海鮮同蔬菜,蔬菜我覺得種類太少,因為我搵唔到我愛既娃娃菜
我同大家姐各自出去拎野食之後,問題出現喇! 我地出面花多眼亂左咁耐,揀左咁耐,竟然個湯仲未到 話晒佢都限時兩粒鐘,等湯等十幾分鐘實在有d講唔過去,唯有催催佢,催左三四次終於有湯到喇 食物新鮮真係好食,兩個湯都好鮮甜,實在太正喇,不過呢度加湯係加同一隻湯既,即係唔會蕃茄傻仔就加返蕃茄傻仔湯你咁,但係可能因為個煲好細既關係,個湯一直keep住鮮甜,正!
飲品方面+$10就可以任飲,好多選擇,有汽水(mountain dew 都有),啤酒,銀菊露同柑桔,其實我平時都唔飲柑桔,唔知做咩呢日突然想試下,飲完啤酒就去拎左杯飲,呢杯野得呀,一定無溝水,之後大家姐都拎左杯,讚不絕口,決定之後都一直飲呢個就得!
但係呢度都有d野我唔係咁鐘意,就係好唔環保,用發泡膠裝再加保鮮紙,我知要keep 住衛生,但係我睇坐大量既發泡膠同保鮮紙o係我檯面既時候,真係覺得好唔環保,希望佢地可以o係衛生同環保上作出平衡,同埋就係d夾,丸類o個邊無夾,唔知去邊度拎,個個都係去海鮮度偷個夾過黎夾丸,夾完放返過去,係唔夠定係d人亂放呢? 不過買多幾個夾都唔係好多錢姐我諗,同埋肉類佢係有個專柜有人夾俾你既,但係我行出去4次都未試過有人企o係個柜度,我企o係個柜前面再搵人黎夾俾我,由於位置開揚,其實我覺得自己o個野都幾樣衰,既然你係set柜位既,就應該有人長駐企o係度啦,係呢幾個問題令我有少少意見,希望可以改善到.
第一次寫食評,有機會再寫過
Post
