Hiring
273
16
5
Restaurant: ARIA
Info:

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
Level1
1
0
令人失望嘅一餐生日飯
2024-12-29 135 views
同太太慶生嘅生日飯，嬲到第一次寫食評先講重點：叫咗一份medium rare嘅牛扒，然後餐廳廚房煮咗一份接近全熟嘅牛扒都照上菜俾我哋，令太太同我對間餐廳同餐飯都覺得十分失望十二月下旬同太太去咗Aria去食晚飯，本身開開心心去同太太慶祝生日，餐廳嘅裝修同景都唔錯，但枱與枱距離比較近，比較容易聽到隔離枱傾計食物方面，前菜同pasta都正正常常，跟住上嘅牛扒非常出事。我哋叫咗medium rare嘅牛扒，然後餐廳上咗一份接近全熟嘅牛扒俾我哋，重點係塊牛扒係上菜前喺廚房已經由一整塊牛扒切開咗大約7-8小件咁，所以切開塊牛扒時廚房一定知道件牛扒明顯overcook咗，同客人要求的medium rare有明顯分別，但係廚房或者樓面都係照上菜，老實講非常唔專業同令人非常失望 (我哋落單後waitress 有重複一次confirm order，相信絕對唔係落錯單）老實講如果我去一間大眾化少少嘅餐廳叫個一百蚊牛扒餐嘅，要求五成熟，如果呢間餐廳俾件全熟牛扒我，我真心都會覺得由得佢，一分錢一分貨，同埋普通餐廳嘅廚房可能冇咁專業，overcook 左都未必知道但响Aria呢度真係令太太同我都覺得失望，間餐廳門
Read full review
同太太慶生嘅生日飯，嬲到第一次寫食評

先講重點：叫咗一份medium rare嘅牛扒，然後餐廳廚房煮咗一份接近全熟嘅牛扒都照上菜俾我哋，令太太同我對間餐廳同餐飯都覺得十分失望

十二月下旬同太太去咗Aria去食晚飯，本身開開心心去同太太慶祝生日，餐廳嘅裝修同景都唔錯，但枱與枱距離比較近，比較容易聽到隔離枱傾計

食物方面，前菜同pasta都正正常常，跟住上嘅牛扒非常出事。我哋叫咗medium rare嘅牛扒，然後餐廳上咗一份接近全熟嘅牛扒俾我哋，重點係塊牛扒係上菜前喺廚房已經由一整塊牛扒切開咗大約7-8小件咁，所以切開塊牛扒時廚房一定知道件牛扒明顯overcook咗，同客人要求的medium rare有明顯分別，但係廚房或者樓面都係照上菜，老實講非常唔專業同令人非常失望
(我哋落單後waitress 有重複一次confirm order，相信絕對唔係落錯單）

老實講如果我去一間大眾化少少嘅餐廳叫個一百蚊牛扒餐嘅，要求五成熟，如果呢間餐廳俾件全熟牛扒我，我真心都會覺得由得佢，一分錢一分貨，同埋普通餐廳嘅廚房可能冇咁專業，overcook 左都未必知道

但响Aria呢度真係令太太同我都覺得失望，間餐廳門口有個牌寫住 「Top Italian Restaurants 2024」，結果係佢哋廚房切開牛扒時明顯知道份牛扒已經overcook咗，明知唔合乎客人要求都照樣上菜，真心令人好失望

我哋當時有同餐廳樓面反映，個waiter都只係輕輕一句 「we can exchange it for you」 ，態度好敷衍

我同太太當時已經對間餐廳同埋佢廚房冇信心，連換都唔想換，最後硬食件全熟扒就算，止蝕離場 連時間都唔想蝕俾佢

好少响中環食間靚靚仔仔餐廳食到咁唔開心，仲要係幫太太慶生嘅生日飯，慘


最後要講番餐廳一樣野抵讚嘅，因為係慶祝太太生日嘅生日飯，間餐廳有事前準備好份甜品送俾我哋，呢點係值得讚嘅


結論：相信唔會再幫襯呢間餐廳

PS：塊牛扒 HK$5xx，廚房煮得唔好食之餘件牛好似幾瘦下，個人覺得非常唔抵食

安格斯M5牛扒
$538
0 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Dining Method
Dine In