Video
Read full review
2019-03-02
153 views
早排碌ig，無意間見到呢間店嘅廣告，話榴槤奶蓋好正，仲大大舊榴槤蓉加落去，啖啖榴槤咁話。作為剛剛喜歡上食榴槤嘅人，立即約埋2個榴槤狂熱fd去試價錢真心貴，一杯奶蓋茶都要35蚊，追加榴槤之後成47蚊！呢個價錢真係分分鐘貴過一餐飯。不過我地心諗一分錢一分貨就狠心試試。一試真係火都黎埋，首先奶蓋好稀。講到奶蓋，大家都會聯想到飲品表面好濃好creamy嗰一層，我仲滿心歡喜想一啖飲到又濃又潔嘅榴槤奶蓋，點知佢稀到好似一層浮在面嘅奶咁，最離譜嘅係，你會睇住佢上面層奶蓋慢慢下沉然後融化唔見。至於榴槤味...真係淡...我地3個一飲就皺眉。就算飲到底，都唔覺有幾重榴槤味。本身都唔太高興，當諗起我地係加咗12蚊去追加“特濃”榴槤時，更覺得不值😠（公道d講句，的確個底下偶爾係有幾粒榴槤肉，但真係“偶爾幾粒”而已）至於茶底，我叫嘅係四季春。平心而論茶味都冇，加咗糖之後比較似杯糖水。而當上面層“奶蓋”融咗落底之後，成個味道就似係出面賣十幾蚊好平嘅嗰種奶茶。成杯飲品而言，我唔會話佢難飲，但真心唔值呢個價錢，尤其佢聲稱加12蚊係追加“特濃”榴槤，更令我覺得唔值。呢個價錢買一塊榴槤返黎食都得。後記：我朋友就比較嘴叼
價錢真心貴，一杯奶蓋茶都要35蚊，追加榴槤之後成47蚊！呢個價錢真係分分鐘貴過一餐飯。不過我地心諗一分錢一分貨就狠心試試。
一試真係火都黎埋，首先奶蓋好稀。講到奶蓋，大家都會聯想到飲品表面好濃好creamy嗰一層，我仲滿心歡喜想一啖飲到又濃又潔嘅榴槤奶蓋，點知佢稀到好似一層浮在面嘅奶咁，最離譜嘅係，你會睇住佢上面層奶蓋慢慢下沉然後融化唔見。至於榴槤味...真係淡...我地3個一飲就皺眉。就算飲到底，都唔覺有幾重榴槤味。本身都唔太高興，當諗起我地係加咗12蚊去追加“特濃”榴槤時，更覺得不值😠（公道d講句，的確個底下偶爾係有幾粒榴槤肉，但真係“偶爾幾粒”而已）
至於茶底，我叫嘅係四季春。平心而論茶味都冇，加咗糖之後比較似杯糖水。而當上面層“奶蓋”融咗落底之後，成個味道就似係出面賣十幾蚊好平嘅嗰種奶茶。
成杯飲品而言，我唔會話佢難飲，但真心唔值呢個價錢，尤其佢聲稱加12蚊係追加“特濃”榴槤，更令我覺得唔值。呢個價錢買一塊榴槤返黎食都得。
後記：我朋友就比較嘴叼，飲咗3份2就將佢丟了
最後建議：打住特濃榴槤做招牌，就真係希望店鋪可以俾到“特濃”嘅感覺俾客人，奶蓋要做得firm d，潔身d，味道再濃d，咁先對得住“奶蓋”、“特濃”呢兩個詞語。單靠網絡平台賣廣告想氹人過黎買，只會賺到頭啖水，唔會有回頭客。
Post
