華記士多 (Closed)

讀書時期經常黎幫襯開，但今日黎到一見到換左一班大嬸負責打理及煮食就心知不妙。仲記得以前黎到見到大隻佬師傅都會覺得佢好型好man，雖然要等好耐先有得食但個蛋包飯一食就會食得出係落足心機去煮。但今日同樣的蛋包飯，完全不一樣的味道。。。落完單個蛋包飯唔洗半分鐘就上枱，係就係好快就有得食。。。但先不提個飯冇煮熟同埋有生米，無論係咖哩嘅調味同埋個滑蛋都差左好多。個飯完一食落去，我腦海即刻浮現左兩個字---求其。希望之後會注重返食物嘅質素，同埋希望下次再黎嘅時候可以食返回憶中的味道。