Video
Read full review
2021-07-21
333 views
餐廳位於灣仔地鐵站對面嘅太和街中間，裝潢格調高雅，以黑色作為主調，配合柔和嘅燈光，感覺神秘，個 Chill 嘅程度拍得住一間高檔嘅酒吧又或者係西餐 fine dine，完全唔似食緊川菜，喺咁 chill 嘅環境之下食川菜都係第一次。前菜四款，分別有醃菜、雲耳、枝豆同埋花生，個醃菜係有少少似用蕎頭嘅醃法嚟到醃黃牙白，中式嘅醃味落喺韓式嘅 kimchi 上面，風味獨特；枝豆配以花椒油，令人耳目一新；花生係類似魚皮花生一類，香脆可口。蟹肉醋椒胡辣羹，店長細心介紹胡辣羹係用咗柬埔寨貢布胡椒，貢布胡椒嘅香味果然特別突出，達到霸氣嘅程度，蟹肉嘅鮮甜再加上湯羹嘅微酸，令人非常開胃。胡椒餅，胡椒餅相當的骰，上枱嘅時候依然相當辣口，店長推介我哋將個胡椒餅同埋個胡辣羹間住間住咁食，胡椒餅嘅椒味同胡辣羹嘅椒味相輔相成，果然別有一番風味。蒜泥白肉，特別鍾意川流嘅蒜泥白肉無其他餐廳嗰啲咁多肥肉，食完個罪疚感都無咁重，黑醬油比起坊間嘅甜度更高，加埋面頭蒜泥嘅香味被底下嘅涼皮索盡，我非常鍾意呢一道。小籠包，川流嘅小籠包食法好特別，啲醋係放落一個唧筒入面俾你插入個小籠包唧入去而唔係用點嘅， 酸醋混和著小籠包嘅湯汁，喺
餐廳位於灣仔地鐵站對面嘅太和街中間，裝潢格調高雅，以黑色作為主調，配合柔和嘅燈光，感覺神秘，個 Chill 嘅程度拍得住一間高檔嘅酒吧又或者係西餐 fine dine，完全唔似食緊川菜，喺咁 chill 嘅環境之下食川菜都係第一次。
前菜四款，分別有醃菜、雲耳、枝豆同埋花生，個醃菜係有少少似用蕎頭嘅醃法嚟到醃黃牙白，中式嘅醃味落喺韓式嘅 kimchi 上面，風味獨特；枝豆配以花椒油，令人耳目一新；花生係類似魚皮花生一類，香脆可口。
蟹肉醋椒胡辣羹，店長細心介紹胡辣羹係用咗柬埔寨貢布胡椒，貢布胡椒嘅香味果然特別突出，達到霸氣嘅程度，蟹肉嘅鮮甜再加上湯羹嘅微酸，令人非常開胃。
胡椒餅，胡椒餅相當的骰，上枱嘅時候依然相當辣口，店長推介我哋將個胡椒餅同埋個胡辣羹間住間住咁食，胡椒餅嘅椒味同胡辣羹嘅椒味相輔相成，果然別有一番風味。
蒜泥白肉，特別鍾意川流嘅蒜泥白肉無其他餐廳嗰啲咁多肥肉，食完個罪疚感都無咁重，黑醬油比起坊間嘅甜度更高，加埋面頭蒜泥嘅香味被底下嘅涼皮索盡，我非常鍾意呢一道。
小籠包，川流嘅小籠包食法好特別，啲醋係放落一個唧筒入面俾你插入個小籠包唧入去而唔係用點嘅， 酸醋混和著小籠包嘅湯汁，喺口腔入面一齊爆出嚟嗰隻感覺真係特別爽皮。
口水雞，口水雞上面佈滿香蔥、芫荽、花生、辣椒、豆豉同埋蒜蓉，醬汁非常惹味，雞肉嫩滑，係一個非常出色嘅冷盤。
33香辣雞鍋，香辣雞鍋有一陣非常特別嘅香料味道，除咗雞之外個煲入面仲有茄子同埋餐廳自家製嘅蒟蒻，店長特別向啫辣嘅我哋推介咗可以加呢一隻雲南涮椒粉，呢隻涮涮辣產於德宏、保山等地區，辣度係史高維爾指數四十幾萬，被視為已被報道嘅中國辣椒中辣度最高的品種，食得十幾萬嘅我對呢隻涮椒粉嚴陣以待，只係敢輕輕點一小個角仔，經以辣得相當過癮，呢隻涮椒粉嘅辣係有啲滯後嘅，太約食完好幾秒先至會辣出嚟，但係辣感好快就會轉趨緩和，係好玩嘅。
怪味大粬朱古力意式雪糕，大粬又稱大麴酒，係中國燒酒嘅一種，著名嘅大麯酒品牌有汾酒、五糧液同茅台酒等，唔怪得入口有咁香嘅五糧液味，大麴酒同朱古力嘅味道好夾，再加上微微嘅辣勁，比起傳統配冧酒更有層次，而且更有新鮮感。
Post
