在家居酒屋 (Closed)

TGIF決定要搵啲好野食，見倒呢間好多人推介應該唔錯鋪頭喺兩間村屋既地鋪，裝修以水泥牆色調為主，簡單得黎又幾有格調，仲有室外位，冬天可以坐下野食都有唔小選擇，刺身、熱食、串燒、小食都有。帆立貝甜蝦海膽丼，係我最中意既配搭海膽好CREAMY完全唔腥，帆立貝好鮮甜，食落好新鮮。明太子玉子燒，面層鋪滿木魚絲，令口感更豐富，濃濃蛋味加上明太子既鹹香同辣味雞翼串，調味適中，燒到雞翼皮微脆，肉質都唔乾！京蔥豚肉卷串，豚肉肥瘦均勻，入口有油脂香，有京蔥中和番唔會太油膩。在家七色卷，唔同顏色既刺身拼埋好靚好吸睛！有三文魚、帆立貝同吞拿魚等，裡面夾住蟹柳，大大舊，食落超滿足。炸墨魚嘴，份量超多，送酒一流！上檯個陣係熱辣辣架，炸到好脆口除左野食好味，賣相都好靚，員正服務都好好，不停幫我地斟茶下次想黎試佢個LUNCH SET，有好多丼飯好吸引！