Video
Read full review
2022-08-01
208 views
今日喺雅蘭中心行街，比卡台灣火車頭吸引咗，行近啲仲見到十分老街嘅室內設計。原來係標榜台灣地道湯底同美式嘅吃到飽火鍋🍲，睇到個餐牌已經肚餓（定係餓旅行？ ！ ），即刻想入去坐低試一試，但都要揀咗湯底同套餐先👏。淨係火鍋湯底已經有好多款，除咗台灣地道湯底同埋藥膳湯底，唔少得愛靚女士最鍾意嘅「杜丹美人鍋」！今次就揀咗鴛鴦鍋，除咗美人鍋，就搭多個鳳梨蕃茄湯。套餐就有四款，有平有貴，任君選擇。「饌。和牛。吃到飽」(💰$368) 識食嘅就梗係叫「饌。和牛」。淨係食呢啲牛都已經回本，睇相你可以見到質素好高。唔同部位，唔同質感，肥瘦剛剛好，一個餐食得晒。豬都有四樣可以揀！而且點少得雞羊。仲有十幾樣其他小菜。特別一提，仲有清境鮮雞子、鵝腸、白鱔片，都幾新鮮，夠晒台灣。除咗自己烚吓烚吓，仲有好多煮好嘅即叫即食。滷水、蔥油餡餅、柯仔煎、椒鹽菜式、台灣炸物、台灣餃子…… 真係要拎多兩個胃嚟先搬到個台灣返屋企。嘢飲仲有兩個大櫃俾你揀，當然梗係有唔少台灣飲到嘅飲品啦。今餐雖然係打邊爐，但真係feel到「好。台灣」。除咗餐廳室內設計好有心機好靚，面積都好大，座位寬闊。就算近期疫情數字上升，都令人食得放心。店員好有禮
原來係標榜台灣地道湯底同美式嘅吃到飽火鍋🍲，睇到個餐牌已經肚餓（定係餓旅行？ ！ ），即刻想入去坐低試一試，但都要揀咗湯底同套餐先👏。
淨係火鍋湯底已經有好多款，除咗台灣地道湯底同埋藥膳湯底，唔少得愛靚女士最鍾意嘅「杜丹美人鍋」！今次就揀咗鴛鴦鍋，除咗美人鍋，就搭多個鳳梨蕃茄湯。套餐就有四款，有平有貴，任君選擇。「饌。和牛。吃到飽」(💰$368) [僎·和牛、牛扑肉(CAB牛頸脊)、無骨牛小排、月見封門柳、卡樂BEEF(牛五花)、牛爽腩(牛胸腹)、嫩肩里肌肉(牛肩胛肉)]
杜丹美人鍋、鳳梨蕃茄湯，僎·和牛，牛扑肉(CAB牛頸脊)，無骨牛小排
22 views
0 likes
0 comments
月見封門柳，卡樂BEEF(牛五花)，牛爽腩(牛胸腹)，嫩肩里肌肉(牛肩胛肉)
12 views
0 likes
0 comments
識食嘅就梗係叫「饌。和牛」。淨係食呢啲牛都已經回本，睇相你可以見到質素好高。唔同部位，唔同質感，肥瘦剛剛好，一個餐食得晒。豬都有四樣[穀飼黑毛豬、松阪肉、梅花肉、豚五花]可以揀！而且點少得雞羊。仲有十幾樣其他小菜。特別一提，仲有清境鮮雞子、鵝腸、白鱔片，都幾新鮮，夠晒台灣。
穀飼黑毛豬，羊肉卷
16 views
0 likes
0 comments
15 views
0 likes
0 comments
除咗自己烚吓烚吓，仲有好多煮好嘅即叫即食。滷水、蔥油餡餅、柯仔煎、椒鹽菜式、台灣炸物、台灣餃子…… 真係要拎多兩個胃嚟先搬到個台灣返屋企。嘢飲仲有兩個大櫃俾你揀，當然梗係有唔少台灣飲到嘅飲品啦。今餐雖然係打邊爐，但真係feel到「好。台灣」。
除咗餐廳室內設計好有心機好靚，面積都好大，座位寬闊。就算近期疫情數字上升，都令人食得放心。店員好有禮貌，上菜都算快，而且店員一叫即到（唔似有啲餐廳，啲員工扮晒睇你唔到）。最有趣嘅係有張明信片，記住喺門口個郵筒既返俾自己呀，呢張明信片優惠券係要扱咗印先會有效㗎😄
有得食有得玩，真係好有去台灣旅行嘅感覺。（好彩6:00就坐低食飯，一出黎見到好多人喺度等緊！證明我冇揀錯。）
🍲 山見台式火鍋 (雅蘭中心) 🍲
🍲 旺角彌敦道639號雅蘭中心2樓201號舖
🍲 Tel 2311 8002
Post
