川燒 (Closed)

【令人驚喜的四川燒烤店】佐敦一向都多野食，今次呢間串燒店係朋encore左幾次，而且水準仲keep到。menu有好多選擇，分門別類。川味燒花甲，川香豬大腸，麻辣鴨血係同一系列，花甲粒粒都有肉，而且份量都多。鴨血爽口，但辣度同麻度都係bb辣，岩唔食得辣既朋友。豬大腸肉厚爽口，味道一流。燒日本雞皮，燒雞腎，前者燒到好香脆，食落好似薯片甘。而雞腎就超爽口，一定要落辣椒粉，係另一種唔同既滋味。燒日本廣島生蠔，生蠔好肥美，加埋蒜蓉好惹味，可惜無粉絲，唔係就一流啦。燒特濃芝士五花腩，睇到個名就一家要試，2樣好邪惡合埋反而有意思唔到既效果。川香肉碎燒茄子，唔似平時食開既燒茄子，佢呢個原條去皮切件，再加上肉碎係面，一啖茄子一啖肉碎，正吖!燒特級厚切牛脷芯，牛脷超厚肉又勁爽口，令人不禁想再encore~燒韭菜，韭菜燒得好翠綠，配埋孜然粉，鮮嫩惹味。炸麻辣雞軟骨，即點即炸，上台熱辣辣。微微辣既雞軟骨勁脆。稻庭牛肉手打烏冬，烏冬軟腍爽滑，牛肉岩岩熟，作為主食一流吖~秘制醬燒BB豬肋骨，份量有8支，燒到微焦，入口甜甜地，有孜然粉香味，味道好夾。