聯記川王涼粉 (Moved) New Location

入場睇演唱會之前, 行入紅磡食round 野先!是日只得12度, 仲下毛毛雨, 好鬼凍, 大豬女友同我由火車站行出黎, 一上條天橋就遇猛風, 好凍呀, 兩條雪條衝去聯記先寒冷天氣警告下, 仲有成村人街邊排隊買野食!有冇咁多人呀... 咁都要排架?!哼, 次次肚餓都特別多人, 條隊也特別長...(好似禁毒海報咁: "k 仔引致尿頻, 每一程車都變得漫長...")終於到我叫了, 食個麻辣肚絲, + 個川北粉先!兩個都係中辣好了! 大豬女友唔食咁激辣呢~仲有排等呀... 即整架又要捱十度北風...等5分鐘倒有得食, 邊行邊食喇, 冇時間喇開場咁滯~幾口北川粉之後, 開始發作, 口麻, 頭頂d 髮開始濕...d 粉入口有d 爽, 又有d 滑, 但凍食都仍好熱!再篤片肚絲先, 呢味都仍係好麻辣, 但係肚的口感, 趙落去好唔同, 加片仔蔥一起趙, 好食!不過食到底d 芽菜俾d 辣油浸住, 食過一條, 又係辣中帶爽, 幾好食, 但過油及辣了, 唇都己冇感覺, 都係唔好食太多了一樓唔食辣的大豬女友都幾大犧牲, 今日肯同我食咁激辣~我的心又甜, 口又麻, 條脷又辣, 感覺古怪