Video
Read full review
2021-02-26
3425 views
食過好多米芝蓮餐廳（合共超過40粒星），大部分有星嘅餐廳都令我回味，唯獨哩一間，無一道菜令我回味。確實米芝蓮只係一個參考，有星嘅餐廳，自然係靚材料，高級烹調技術，好服務，加舒服嘅環境。但係唔係有星就一定好食，無星就唔好食？絕對唔係！什至有時覺得，無星比一星好食，一星比二星好食，又或者係同一間餐廳，係唔同地區都係有星，但香港嗰間唔好食。最重要嘅係，要考慮埋性價比，先係一間值得去嘅餐廳。講返Arcane，食開米芝蓮餐廳都知，每一個細節都係一個experience ，由行入餐廳到離開，就好似一個旅程咁。 Arcane 無論服務，材料，環境都有一星嘅表現。但偏偏係烹調上，令我非常困惑。法國菜好講求口感同埋味道嘅層次，即係Mix n match ，口感的確做到，但味道，真係唔太match。我點左Tasting menu，今次無影menu，用記憶講下幾道菜分析下。先來前菜係Tomato with Burata Cheese & Sadine ， 蕃茄本身已經係一樣微腥嘅食物，竟然配勁腥嘅沙甸魚？諗唔明仲要做第一道頭盤。其實無左條沙甸，成件事簡簡單單，反而仲好。第二道係scallop with eg
講返Arcane，食開米芝蓮餐廳都知，每一個細節都係一個experience ，由行入餐廳到離開，就好似一個旅程咁。 Arcane 無論服務，材料，環境都有一星嘅表現。但偏偏係烹調上，令我非常困惑。
法國菜好講求口感同埋味道嘅層次，即係Mix n match ，口感的確做到，但味道，真係唔太match。
我點左Tasting menu，今次無影menu，用記憶講下幾道菜分析下。
先來前菜係Tomato with Burata Cheese & Sadine
， 蕃茄本身已經係一樣微腥嘅食物，竟然配勁腥嘅沙甸魚？諗唔明仲要做第一道頭盤。其實無左條沙甸，成件事簡簡單單，反而仲好。
49 views
0 likes
0 comments
第二道係scallop with eggplant ，個sauce 係甜酸辣味，似食緊泰菜。單單scallop 同eggplant 其實都好食，但個sauce 有少少唔match。
52 views
0 likes
0 comments
第三道，係松露配麵包？蛋糕？ 唔太Confirm 係乜。哩道菜係幾特別，用麵包吸曬所有汁，軟綿綿嘅口感，濃郁嘅味道，但係非常膩，食到一半就停咗，浪費晒啲松露。又係唔Match。
61 views
0 likes
0 comments
到Main，牛肋肉配豆苗。用和牛SLOW COOK 好難唔好食，豆苗有少苦，兩樣加埋還好，但下面個Sauce 又出事，沙律醬咁嘅味，最後我食曬啲牛，剩返個Sauce。
46 views
0 likes
0 comments
最後甜品，無驚無喜，有口感，但塊薄脆片𠝹到喉嚨。
30 views
0 likes
0 comments
最後，我並唔係要負評，只係覺得唔岩我口味，道道菜都好濃味，成個Tasting menu 由頭到尾無起承轉合，食唔到誠意。如果Tasting menu 係代表一間餐廳同廚師，我覺得真係要微調一下，唔好浪費優質食材同客人嘅時間。可能我唔識欣賞，但哩個價錢，大概$1700 一位，絕對有其他選擇。
Post
