煌成燒鵝

Open Now

Now Closed

前兩日特登去堅尼地城海旁個到打卡，打完卡見肚餓，就求其入咗一間餐廳食嘢，咁就嗌咗個燒腩燒鵝飯，賣相又平平無奇，仲以為正常，一食就知出事，我平時食飯無影相嘅習慣。一食啲燒腩就覺得好奇怪，點解得d醬嘅味道？再食埋個燒鵝，都係無味，我個下仲以為係我條脷無味，飲翻啖檸茶，甜架喎，再食啲燒腩同燒鵝，又真係無味喎，淨係得d肉嘅質感同d醬味，連燒腩皮都係冧嘅，都唔知擺咗幾耐。間餐廳又好唔衛生，見到有隻螞蟻係張枱到爬，我知係食肆見到好正常，但至少都唔好比我見到啊🙏🏻而且仲見到個女人好寸寸共，似係老闆娘，聽唔清楚講咩，反正就係到寸緊個客，淨係記得個客話老闆娘大晒咩，之後冇食就走咗。呢間真係要落入黑名單，以後唔會再嚟。