Video
Read full review
2024-10-14
4834 views
-獅房菜 / 帝京酒店中菜廳 🥢位於帝京酒店既獅房菜 係以廚師發辦為概念既中菜食府糅合粵菜精粹同川菜元素 以坐擁獅子山景致而命名 秉承「千變萬化，中西融合」既獅子山精神與廚藝最近推出以中國歷史上最長壽「皇帝美食家」 - 乾隆所追求高質食療與養生之道為主題既獅房發辦🤤創造出養生餐宴 菜式以傳統與新派元素細膩交融🔥聽講事緣區域中式廚藝總監江肇祺師傅與獅房菜大廚團隊早前到訪故宮文化博物館參觀時有所啟發 — 窺探乾隆對食別具心得並從中發現清宮的藥食同源、追求食療與養生既準則底蘊 以味蕾傳承古今飲食智慧🌟✨獅房發辦 • 宮 - 九道 (優惠價 $638/pp）🥢隨園 / 燕窩．荔枝．豆花據說乾隆早餐係食燕窩豆花 今次有幸體驗到皇帝式早餐以自家製豆花配清甜荔枝肉同燕窩 一次過食到果香豆香 同豆花 燕窩既滑溜質感 又真係幾有早餐既感覺🤣🥢典藏 / 素餡餃子．滷香鴨舌．油燜筍．桂花腩叉以瑞獸之尊 — 五爪金龍為靈感 用上龍爪菌上脆漿炸香連同雜菌同白松露醬等整成素餃子 意外地味道極濃郁；滷水鴨舌 雖然平時唔敢食 但肉厚入味既關係 較易入口；桂花腩叉 用上肥瘦分明既豬腩肉 燒至焦香 加埋表面既麥芽糖 同桂
獅房菜 / 帝京酒店中菜廳 🥢
位於帝京酒店既獅房菜 係以廚師發辦為概念既中菜食府
糅合粵菜精粹同川菜元素 以坐擁獅子山景致而命名
秉承「千變萬化，中西融合」既獅子山精神與廚藝
最近推出以中國歷史上最長壽「皇帝美食家」 - 乾隆
所追求高質食療與養生之道為主題既獅房發辦🤤
創造出養生餐宴 菜式以傳統與新派元素細膩交融🔥
聽講事緣區域中式廚藝總監江肇祺師傅與獅房菜大廚團隊
早前到訪故宮文化博物館參觀時有所啟發 —
窺探乾隆對食別具心得並從中發現清宮的藥食同源、
追求食療與養生既準則底蘊 以味蕾傳承古今飲食智慧🌟
✨獅房發辦 • 宮 - 九道 (優惠價 $638/pp）
🥢隨園 / 燕窩．荔枝．豆花
據說乾隆早餐係食燕窩豆花 今次有幸體驗到皇帝式早餐
以自家製豆花配清甜荔枝肉同燕窩 一次過食到果香豆香 同豆花 燕窩既滑溜質感 又真係幾有早餐既感覺🤣
🥢典藏 / 素餡餃子．滷香鴨舌．油燜筍．桂花腩叉
以瑞獸之尊 — 五爪金龍為靈感 用上龍爪菌上脆漿炸香
連同雜菌同白松露醬等整成素餃子 意外地味道極濃郁；
滷水鴨舌 雖然平時唔敢食 但肉厚入味既關係 較易入口；
桂花腩叉 用上肥瘦分明既豬腩肉 燒至焦香
加埋表面既麥芽糖 同桂花 食落好香甜 🌼
🥢 琺瑯 / 白菜．花膠．豆腐湯
相傳乾隆下江南會有至少3位專門炮製豆腐菜式廚師隨行
有次因為食過一道用時令白菜加入豆腐既湯品深得其歡心
江師傅以此為靈感 — 用上赤肉 豬筒骨及老雞熬煮5小時
因為加入豆腐、白菜及花膠 令到湯頭既鮮味滿滿且濃郁
又有助提升養生食療之效 岩晒女仔飲既滋補養顏湯品❤️
🥢 御品 / 豆酥．御栗．皇帝魚
相傳乾隆於飯店用膳時覺得半邊魚鮮味可口、風味獨特
着令當地知府每年進貢 亦享譽京城 被稱為「皇帝魚」
其實指既係比目魚 — 師傅今次以紅椒粉及鹽稍醃後煎香
配以香菇醬 / 栗子 / 雜菌 / 豆卜/ 新豬肉及蘆筍炒成配菜
淋上以腐乳及櫻花辣椒醬調製既秘製醬汁
魚皮煎得香脆 醬汁同底下既配菜帶出嫰滑魚肉既鮮味 ✨
🍵三清茶
🥢 侍衛 / 抓炒．蝦仁
「抓炒」係將食材以精巧刀功處理後醃至入味 上粉漿脆炸
再同調好味的芡汁兜勻 既一種傳統烹飪方法🥘
江師傅以此為基調 — 用上鮮嫩爽口蝦仁裹上粉漿炸起
再加入薑米、大蔥、蒜及黑醋埋芡 伴以鳳梨及醋薑享用
煮出外焦內嫩既蝦仁 食落鹹鮮味甜帶點酸 層次豐富
🥢 鰒魚 煎金蠔．扣鮑魚
呢個擺碟相當有創意 用上宮廷不可或缺既飾品—簪飾
串起海中珍品 包括金蠔以薑、蔥扣至入味煎香；
八頭鮑魚用珍酒、花雕、糟滷等先燜煮 再加入花椒油
最後淋上辣龍蝦汁 食落香醇鮮美 又帶點惹味既辛香氣息
🥢 風荷 / 白玉．鴨子．一品
相傳乾隆愛吃鴨 所以當時御膳中鴨饌多不勝數
今次大廚亦以火鴨肉為主角 配上時令冬瓜同養生食材
如蓮子、百合、杞子及羊肚菌等 全部切成同等粒狀
整成冬瓜盅變奏迷你版 精緻又好味✨
🥢 湯餅 / 半生瓜．肚絲．蔥油麵
有傳乾隆七次下江南巡查期間食左碗淋有金黃蔥油麵條並
賜名為「陽春麵」 — 湯底係將蝦米、薑米及菜脯熬成
再加入上海粗麵、涼瓜片、豬肚絲同蒜子 香氣四溢
食落感覺係味道層次昇華左既狗仔粉 幾好味🌟🌟🌟
🥢 套印 / 玉璽糕
係以皇帝印章倒模而成既開心果白朱古力慕絲蛋糕
寓意為盛宴蓋上完美印記 — 内藏開心果薄脆同海綿蛋糕
另外伴上開心果碎同開心果雲呢拿汁 像真度幾高 好精緻
Post
