Video
Read full review
2018-05-07
288 views
聽屋企人介紹，諗住一家人簡單平平地食個雞煲，點知中晒伏，野食難食不在話下，服務更加係差差差！點左個甜味雞煲，個煲一大堆罐頭菠蘿，d 雞仲要好似擦紙膠咁既質感，食左兩舊已經食唔到落去，老媽子話個煲太油又唔好食，不如轉清湯打邊爐。 叫左五次先有人黎同我地換返個湯，d 面口仲要奇差，好似從來未見過人有咁既要求咁，你d 雞煲咁既味，心照啦!打邊爐第一轉本來好地地，但第二轉開始d 食物黎唔齊，想問佢又係十問九唔應，完全當人透明，要行到個侍應面前佢先會應你，追碟芝士丸追左兩次都不了了之，到第三次，個侍應夠膽死話追左都冇，就代表「可能」賣晒，賣晒就賣晒，咩叫可能？你唔識入去睇下先答我咩？到埋單時，個侍應話匯豐恒生卡有八折，老媽子見openrice話訂座就有，想問多一句搞清楚，點知佢竟然大聲夾惡咁問「咁你即係用匯豐定恒生呀？」果下真係火都黎，咩服務態度呀？從來都冇試過嬲到要寫食評，但實在唔想再有人中伏，咁既食物質素，服務水平，貼錢俾我都冇可能再去P.S. 服務真心想俾0分，不過冇得揀LOL
點左個甜味雞煲，個煲一大堆罐頭菠蘿，d 雞仲要好似擦紙膠咁既質感，食左兩舊已經食唔到落去，老媽子話個煲太油又唔好食，不如轉清湯打邊爐。 叫左五次先有人黎同我地換返個湯，d 面口仲要奇差，好似從來未見過人有咁既要求咁，你d 雞煲咁既味，心照啦!
打邊爐第一轉本來好地地，但第二轉開始d 食物黎唔齊，想問佢又係十問九唔應，完全當人透明，要行到個侍應面前佢先會應你，追碟芝士丸追左兩次都不了了之，到第三次，個侍應夠膽死話追左都冇，就代表「可能」賣晒，賣晒就賣晒，咩叫可能？你唔識入去睇下先答我咩？
到埋單時，個侍應話匯豐恒生卡有八折，老媽子見openrice話訂座就有，想問多一句搞清楚，點知佢竟然大聲夾惡咁問「咁你即係用匯豐定恒生呀？」果下真係火都黎，咩服務態度呀？
從來都冇試過嬲到要寫食評，但實在唔想再有人中伏，咁既食物質素，服務水平，貼錢俾我都冇可能再去
P.S. 服務真心想俾0分，不過冇得揀LOL
Post