Video
Read full review
2020-03-01
982 views
每個星期六，老豆一定要我地出去搵食!唔係放題就自助餐，一家人就來變金🐷。有次老豆唔知講咩金屋，以為佢做咩出口成詩，原來佢話想試下荃新天地二期對面馬路有間叫金屋既泰國野，咁上星期六就走左去試食。雖然而家話無咩人出街，咁都係打去book位穩陣，點知聽電話姐姐話唔使book來到會有位😧咁食飯時間730就入座，入到去眼見都有8成人幫襯，仲以為真係無咩生意所以心諗唔通好好食🙏點左野食如下，10分為滿分🤤，餸名唔係好記得大約咁上下呀~1)大蝦柚子沙律-好味10分，有好多柚子，又夠香甜，其他配料夠香又辣，蝦夠爽。2)沙嗲串燒，雞豬，得兩款沒有牛，不過兩個味道都唔錯，有8分!3)蒜蓉包一份6件-8分，我地有encore多次!好食!4)炒椰菜苗-6分，有扣分，其實味道ok,第一次出時生左少少未煮熟透，所以叫廚房再炒多次出來就剛剛好。5)明爐烏頭魚-6分，本身唔太好魚，所以6分係老豆俾，佢話條魚有些"梅"，佢專家信佢6)咖哩牛腩-5分，咖哩汁底ok,薯仔煮法好食，但混左d煮耐定唔靚既薯仔落去，牛腩乾身同瘦，整體麻麻！7) 薄餅-5分，叫來試下，因為咖哩汁多左，但失望因為有陣油味同唔夠鬆化。。8) 海南雞半
有次老豆唔知講咩金屋，以為佢做咩出口成詩，原來佢話想試下荃新天地二期對面馬路有間叫金屋既泰國野，咁上星期六就走左去試食。
雖然而家話無咩人出街，咁都係打去book位穩陣，點知聽電話姐姐話唔使book來到會有位😧
咁食飯時間730就入座，入到去眼見都有8成人幫襯，仲以為真係無咩生意所以心諗唔通好好食🙏
點左野食如下，10分為滿分🤤，餸名唔係好記得大約咁上下呀~
1)大蝦柚子沙律-好味10分，有好多柚子，又夠香甜，其他配料夠香又辣，蝦夠爽。
2)沙嗲串燒，雞豬，得兩款沒有牛，不過兩個味道都唔錯，有8分!
3)蒜蓉包一份6件-8分，我地有encore多次!好食!
4)炒椰菜苗-6分，有扣分，其實味道ok,第一次出時生左少少未煮熟透，所以叫廚房再炒多次出來就剛剛好。
5)明爐烏頭魚-6分，本身唔太好魚，所以6分係老豆俾，佢話條魚有些"梅"，佢專家信佢
6)咖哩牛腩-5分，咖哩汁底ok,薯仔煮法好食，但混左d煮耐定唔靚既薯仔落去，牛腩乾身同瘦，整體麻麻！
7) 薄餅-5分，叫來試下，因為咖哩汁多左，但失望因為有陣油味同唔夠鬆化。。
8) 海南雞半隻-8分，雖然雞味唔算太濃，但夠滑身肉多，口感都豐富。
9) 兩個椰青同一杯芒果汁-8分，不錯🙂
我地4條友食左8百幾蚊有加一服務費，每碟size都適中，味道都啱口味，食完味精都唔算太重
食物方面整體上都有80分，服務方面都幾好呀！我諗都會再encore試叫下其他餸😎。。thanks!
Post
