Video
Read full review
2019-03-05
309 views
我有個大食o既朋友，佢個人偏肥，平時超擦得，最鍾意食d 平而飽肚o既o野，成鬼日約親佢大家傾食乜就話食m 記或者譚x 米線，咁幫襯得多都厭啦下話﹖所以今日o係佢又話食譚x o既時候我拉佢去睇多幾間，擴闊下佢o既眼界嘛，終於試o左呢間麵館~既然稱得上係食重慶小麵o既專門店，當然要品嚐番下佢d 主打麵。重慶o野就一定係辣的，不過佢都就番香港人口味，有好幾隻辣度，包括唔辣。我自己就食到小小辣o既，所以點o左個麻辣牛腩麵(大，$39)，小試微辣先。就算只係o益微辣，佢個湯底睇落都好紅色好重味咁款。味道o黎講唔係真係好辣，但係佢o個種麻就會持續咁衝上個頭度，明明身體唔感到熱但仍然會不停流汗，個頭殼頂好似會冒煙咁，好過癮！佢d 牛腩都幾大舊足料，肉質扎實。朋友就叫o左一個麻辣肥牛麵(大，$36)，佢食得辣所以叫o左中辣，明顯比我o個碗d 湯顏色黑一點。我試o左佢少少肥牛片，嘩我就覺得真係好辣喇，佢就好high，可以食完麵飲埋佢d 湯……佢話好食過譚x wo，太好了。小食只係十零蚊好抵食，本來諗住叫兩個，朋友後來又話要叫多一個。所有o既小食都可以揀辣度，為o左就我叫晒微辣。麻辣土豆絲(細，特價$10
既然稱得上係食重慶小麵o既專門店，當然要品嚐番下佢d 主打麵。重慶o野就一定係辣的，不過佢都就番香港人口味，有好幾隻辣度，包括唔辣。我自己就食到小小辣o既，所以點o左個麻辣牛腩麵(大，$39)，小試微辣先。
就算只係o益微辣，佢個湯底睇落都好紅色好重味咁款。味道o黎講唔係真係好辣，但係佢o個種麻就會持續咁衝上個頭度，明明身體唔感到熱但仍然會不停流汗，個頭殼頂好似會冒煙咁，好過癮！佢d 牛腩都幾大舊足料，肉質扎實。
麻辣牛腩麵 (大，$39)
25 views
0 likes
0 comments
朋友就叫o左一個麻辣肥牛麵(大，$36)，佢食得辣所以叫o左中辣，明顯比我o個碗d 湯顏色黑一點。我試o左佢少少肥牛片，嘩我就覺得真係好辣喇，佢就好high，可以食完麵飲埋佢d 湯……佢話好食過譚x wo，太好了。
小食只係十零蚊好抵食，本來諗住叫兩個，朋友後來又話要叫多一個。所有o既小食都可以揀辣度，為o左就我叫晒微辣。麻辣土豆絲(細，特價$10) 係一個酸辣o既口味，個人覺得比較酸。麻辣黃金皮蛋(細，特價$12) 就好正，凍凍的很好吃，同埋佢加o左蒜泥去吊味，o岩晒我個taste。
麻辣黃金皮蛋 (細，$12)
15 views
0 likes
0 comments
蒜泥白肉要正價，不過講緊都係$20 o者(細)。薄切o既腩肉蘸上麻辣醬汁，連同青瓜片一齊食，一啖咬落去又會有種青新o既汁液即時中和醬汁o既濃味，層次感好豐富。另外我地每人叫o左杯豆漿(跟粉麵$6/杯)，只有熱。佢話係自家製的，味道微甜，同埋飲到尾漸趨杰身，會有d 似杏仁糊咁，證明佢真材實料，非常唔錯！
蒜泥白肉 (細，$20)
39 views
0 likes
0 comments
自家製豆漿 (跟餐$6/杯)
17 views
0 likes
0 comments
Post
