昭拍耶 (Closed)

星期日午餐選擇係九龍城昭拍耶食，其實係隔離街已經有佢的分店，不過今次仍然選擇係舊鋪食。我叫左泰式豬手飯（$58），豬手相當稔而且醬汁酸酸甜甜好適合送飯，不過美中不足嘅係某部分豬手的豬毛無清理乾淨，夾上手明顯見到有豬毛🤭同行朋友就食乾炒肉片河粉（$58）炒得好後鑊氣，而且真係條條河粉都好夠味，唔會係一啲入味，一啲淡茂茂，配合埋啲芥蘭菜、紅蘿蔔、蛋絲一齊食係好好味，我都忍唔住口係咁食朋友碟河粉。餐廳會另收加一服務費，其實呢個午餐價位係九龍城眾多泰國餐廳黎講其實有啲貴。