壽司藝 (Closed)

• Lunch Omakase🍣•💵Price: $488-大坑既呢間omakase價錢真係算親民，$488有十五件壽司加烏冬，包你男仔都食得飽😆食材都幾多樣化同新鮮，不過可能價錢既關係都食得岀質素唔會超班架喇👀有數款我平時好鐘意食既都比我感覺平平無奇，好似黑鯥、海膽同深海池魚咁，黑鯥即使微燒過後都無乜魚油，唔夠香；海膽唔夠清甜；深海池魚佢以煙燻形式呈現，不過我都係鐘意食佢原有既鮮味同質感。雖然有唔滿意既，不過都當然有覺得好好食架喇，當中中拖羅、鰤魚同圖二既燒左口魚邊都係我當日既大愛😍前兩者肉質肥美，後者入口即化，配埋脆薄既紫菜同葱花，好香口滋味❤️-當日排名不分先後既壽司有：煙燻深海池魚、中拖羅、墨魚、秋刀魚、海膽、鰤魚、赤身呑拿魚、甜蝦、黑鯥、象拔蚌、羽太、昆布漬甘鯛、目光魚、赤貝同炙燒左口魚邊。