椰仔冰室 (麗港城商場) (Closed)

椰仔冰室就係商場ground floor,大門口一入去，沿住左手邊7-11左轉入去就見到。都算幾大，佔2個鋪面位置。最近驚喜夜晚佢有個好抵既外賣餐，每款都係$40，不過外賣盒+$1，即係$41一個。唔止weekday,連星期日都有！落單個阿姐有d冒失，講左幾次，都依然係落錯單。叫左焗肉醬意粉，同焗魚柳飯。肉醬意粉味道不過不失， 肉醬略嫌有啲少，不過呢個價錢嚟講基本上都算合格，冇乜挑剔。焗魚柳飯就有啲失望，塊魚柳太咸。