京都抹茶庵 (Closed)

今日嚟到K11食飯，食完又有啲想食甜品，見到呢間係食抹茶雪糕嘅餐廳，諗都冇諗就入咗去啦。呢間標榜着係用小山園嘅抹茶粉👍🏻唔止有得堂食，仲有其他產品賣，例如抹茶粉餅乾等等。作為好鍾意食抹茶甜品得嘅我，今次同幾位朋友一齊就嗌左幾款唔同嘅野黎試吓啦。-🥢抹茶雪糕伴餡蜜雪糕嘅抹茶味好濃郁，食完有少少苦澀味。如果齋食啲雪糕就可能覺得太過濃，但係配埋啲啫喱同埋紅豆食感覺就會啱啱好👍🏻👍🏻而白玉亦都好煙韌。-🥢培茶雪糕伴餡蜜基本上同抹茶嗰款一樣，只係轉左做培茶味。培茶雪糕種苦澀味冇抹茶咁出，但係培茶味亦都好濃郁嘅。不過我就覺得培茶配紅豆無抹茶配紅豆咁match😛總括來講，甜品係好食嘅，但係價錢我覺得有啲貴。