同人燒 (Closed)

今日過開來山林道，要買些用品，所以順便在附近找吃的。見到呢張海報，238元呢個價錢任食任燒來說也算合理，一於試下。 同一般燒烤放題差不多，都是枱上有個燒爐，不過可能夏天加上樓上店但條樓梯是開放式設計，所以感覺有點熱。 未點菜之前。店員已經拿了幾款來，說是可以食住等，順便示範如何用他們的秘制雞汁一路掃落食物一路燒。據說可以增添鮮味而且食完無咁熱氣。 就是這瓶，秘制雞汁。 呢度汽水任飲，除海鮮要加98元之外，基本上其他食物都是任食。 款式都是大路的，蔬菜、豬牛雞都有啲咁啦…不過相比其他同類型的串燒店，款式好似少了啲。就算加98元叫埋海鮮，都是多多5-6款而已，而且不過是帆立貝，蟶子等，吸引力一般。 食物上枱速度算快，點了雞肉腸、台灣腸、雞軟骨、雞腎、羊架、青口一客(原來一客得一隻)……但唔係好明點解羊架同雞翼已經處理過？再燒豈不會令肉質變老？ 同樣地，茄子一出來，塊皮已經不是新鮮的紫色，是灰紫色那種，而且啲籽已經黑黑地，我分不到是不新鮮？定煮熟左？但煮熟左又點解茄子是硬的？令人費解！最費解的是，燒完之後，件茄子竟然似十足平時出街食到嗰啲口感喎！即是好嫩滑好似河粉般一行一行夾起食那種。