Video
Read full review
2024-03-24
107 views
🫶🏻今次要介紹既呢一間食肆，係一間唔洗 $300 就可以任食雞煲／牛尾煲／豬手煲+ 放題打邊爐既餐廳，性價比高之餘食材質素不錯、煲類食物美味，自己都不時同朋友去拆返餐 😋😋😋 多年黎質素不改，值得一推 🙌🏻🔸 任食秘製火焰牛尾煲餐廳新推出牛尾煲，其實從來都冇食過牛尾，今次同朋友乘興一試。點左冇耐就有店員為我地送上一大鍋牛尾煲，並且係加入白酒後點火，頓時整個空間充斥酒香醬濃既香氣 🍾 入口一刻可咬到牛尾既軟嫩，味道先有秘製醬汁咸甜交織一齊既濃味，再慢慢透出淡淡既酒香，濃味不絕 😋🔹 120 分鐘火鍋放題食完牛尾煲，我哋換咗養生滋補鷓鴣鍋打邊爐。呢個湯底係店家以杞子、蟲草花、紅棗、鷓鴣等補氣益血既食材熬成 🍲 清淡又透出甜意，問返原來冇落糖，甜度全因湯材，相當厲害 👍🏻今次我地點左嚴選安格斯牛套餐，可以無限量添加美國牛胸腹、本地鮮滑牛、安格斯牛板腱、安格斯封門柳、鮮嫩鵝腸、爽脆花枝片、新鮮白鱔片。身為牛魔王當然只點選牛肉 🐮🐮 其中推薦封門柳，肉質厚實嫩軟，牛味極濃，點滾都好食 😫❤️🔥另有自助取餐區，有蔬菜、丸類、面食等，食材選擇都算豐富，旁邊亦有自助水吧任拎汽水茶飲，每樣都添啲就
今次要介紹既呢一間食肆，係一間唔洗 $300 就可以任食雞煲／牛尾煲／豬手煲+ 放題打邊爐既餐廳，性價比高之餘食材質素不錯、煲類食物美味，自己都不時同朋友去拆返餐 😋😋😋 多年黎質素不改，值得一推 🙌🏻
🔸 任食秘製火焰牛尾煲
餐廳新推出牛尾煲，其實從來都冇食過牛尾，今次同朋友乘興一試。
點左冇耐就有店員為我地送上一大鍋牛尾煲，並且係加入白酒後點火，頓時整個空間充斥酒香醬濃既香氣 🍾 入口一刻可咬到牛尾既軟嫩，味道先有秘製醬汁咸甜交織一齊既濃味，再慢慢透出淡淡既酒香，濃味不絕 😋
🔹 120 分鐘火鍋放題
食完牛尾煲，我哋換咗養生滋補鷓鴣鍋打邊爐。呢個湯底係店家以杞子、蟲草花、紅棗、鷓鴣等補氣益血既食材熬成 🍲 清淡又透出甜意，問返原來冇落糖，甜度全因湯材，相當厲害 👍🏻
今次我地點左嚴選安格斯牛套餐，可以無限量添加美國牛胸腹、本地鮮滑牛、安格斯牛板腱、安格斯封門柳、鮮嫩鵝腸、爽脆花枝片、新鮮白鱔片。身為牛魔王當然只點選牛肉 🐮🐮 其中推薦封門柳，肉質厚實嫩軟，牛味極濃，點滾都好食 😫❤️🔥
另有自助取餐區，有蔬菜、丸類、面食等，食材選擇都算豐富，旁邊亦有自助水吧任拎汽水茶飲，每樣都添啲就 Enjoy 到哂啦💕
食完仲有雪糕食，正～！❄️
🔹🔸🔹🔸🔹🔸🔹🔸🔹🔸🔹🔸
二鍋頭 (嘉芙中心) (尖沙咀)
📍尖沙咀漆咸道南53-55號嘉芙中心1樓
💸 $ 600
Post
