Video
Read full review
2023-06-27
157 views
呢間Cafe主打全日早餐，Bakery類嘅嘢都有好多選擇，唔同時段仲有唔同款式嘅主食提供，款式都幾多！Cafe係森林格調嘅裝修🌳，中央有一大棵樹枱，店入面用上落地大玻璃，所以空間感幾夠，坐得舒服，打卡都唔錯，好似商場入面嘅綠洲！今次係第二次嚟呢間Cafe，餐廳嘅招牌Brunch Board係會令人不斷再訪呢間咗佢Cafe，可以任選幾款小食，酸種麵包都可以無限添加，啱晒鍾意食麵包嘅人！❤️------------------------------🥖◖Brunch Board w/ Five Sides◗ $178先揀主食，早餐淨係提供sourdough，中午嚟嘅話就有幾款丼飯可以選擇。雖然佢話就話淨係可以揀兩款，但其實可以四款都試曬，個人覺得原味最好食，外面香脆香口，裏面濕潤鬆軟，有口感！•Sourdough•Dark Rye Sourdough•Multi-Grain Sourdough•Brioche Sourdough然後就可以根據個人口味去揀返一啲配菜🍳，肉類同海鮮類大部份都要加錢，其他就可以任揀，款式都幾多～值得一讚嘅係佢有勁多唔同嘅炒蛋配搭，都係用日本蘭王蛋，好有蛋香，同酸種
今次係第二次嚟呢間Cafe，餐廳嘅招牌Brunch Board係會令人不斷再訪呢間咗佢Cafe，可以任選幾款小食，酸種麵包都可以無限添加，啱晒鍾意食麵包嘅人！❤️
------------------------------
🥖◖Brunch Board w/ Five Sides◗ $178
先揀主食，早餐淨係提供sourdough，中午嚟嘅話就有幾款丼飯可以選擇。雖然佢話就話淨係可以揀兩款，但其實可以四款都試曬，個人覺得原味最好食，外面香脆香口，裏面濕潤鬆軟，有口感！
•Sourdough
•Dark Rye Sourdough
•Multi-Grain Sourdough
•Brioche Sourdough
然後就可以根據個人口味去揀返一啲配菜🍳，肉類同海鮮類大部份都要加錢，其他就可以任揀，款式都幾多～值得一讚嘅係佢有勁多唔同嘅炒蛋配搭，都係用日本蘭王蛋，好有蛋香，同酸種包一齊食，成件事好match！
•Poached Eggs w/ Citrus Yogurt🥚
•Black Truffle Scrambled Eggs🍳
•Granola Greek Yogurt🍨
•Grilled Prawns (+$58)🍤
•Grilled Tuna with Diced Kiwi (+$48)🐟
🥯◖Earl Grey Orange Bagel◗ $42
包體煙韌有咬口，夾雜着啲橙皮伯爵茶茶葉，茶味香濃，大少少橙皮嘅香氣同甜味，幾好食！
🥓◖Zucchini Bacon Scone◗ $36
呢個scone夾雜着啲煙肉粒同埋西葫蘆，幾有口感，迷迭香嘅味道好出，食落比較濕潤，質感相對上鬆散，搽上橙皮果醬，味道幾夾幾香！
☕️◖Cappuccino◗ $50
向右Choco同埋Fruity呢兩隻豆揀，今次揀咗Choco呢一隻咖啡豆，另外仲加咗$5轉杏仁奶，奶泡都打得幾厚幾綿密，口感順滑～杏仁奶嗰種獨特嘅味道加上有啲朱古力餘韻嘅咖啡豆，飲落味道幾有層次～
☕️◖Iced Mocha◗ $45
凍飲相對上冇咁靚，但味道都唔錯，揀咗小田同少冰，可以自己揀咖啡豆，成杯嘢嘅可可味都幾香，味道相對上偏甜～
🌟Encore指數：9.4/10
Post
