鼎家喜筷 (Closed)

公公婆婆係大陸未返，我已開工唔想煮飯，謙謙話去海之戀的鼎家喜筷到食雞煲，咁就唔洗辛苦媽咪🥹。果然乖仔呢到的幸福雞煲係無限添加雞件的， 我們先點了bb辣的，雞煲，佢依家隨煲附送新鮮蔬菜一份， 再點了以下幾款火鍋配菜⬇️⬇️⬇️❇️ 珊瑚蚌 ❇️ 蓮藕片❇️ 腸仔🥤 菊花薏米今次絕對係謙謙話事， 佢話食雞件先， 雞煲內有雞件、芫荽、紫洋蔥和蒜頭，雞件小辣好惹味，我夾起d 啖啖肉比謙謙，我就食其他部份， 食了一半雞煲汁仲係好濃郁時， 我地加入蓮藕片和腸仔落去煮，咁樣食仲正呀！最後先加多dd 水去打邊爐食蔬菜粟米咁。食咁濃味野當然會好口渴， 放心呢到每人加28蚊就任飲的，我和謙叫了菊花薏米，來到嘩一聲，因為好大支， 仲要超足料， 睇一睇4份一都係菊花和薏米呀！飲落清甜可口唔會死甜好順喉的。