黑樺牛 (Closed)

今日又去咗黑樺牛食野, 見到出左個$198雞煲放題套餐, 限時90分鐘, 除左有頭盤小食, 仲有雞煲同埋海鮮蒸汽鍋😍口水汁麻辣拼盤入面有麻辣魚皮, 皮蛋, 牛𦟌同牛肚, 整得幾入味, 麻香幾突出, 有小小辣😛鬼馬油炸鬼面頭仲有d 蟹籽點給綴, 釀入墨魚滑, 外層香脆咬落彈牙👍任食滋味雞煲雞肉份量都幾多,肉質嫩滑, 味道濃郁, 配埋洋蔥同大蔥炒香, 幾惹味😋海鮮蒸鍋有齊紐西蘭青口, 本地海蝦, 時令鮮蟹, 大船渡岩蠔, 同扇貝, 整體海鮮好新鮮, 唔使落調味料都好夠味之後仲可以用返海鮮既精華打邊爐, 將牛板腱同其他火鍋配料放入去, 超鮮甜😍